Popular Bible Verses from YAHYA 5

Share

Sitoje'na Nakke appau mange ri kaui: Inai jua lapilangngeri pauKu na tappa'i mange ri Ia Tuassuro injo ri Nakke, ia languppai tallasa mannannungang na gele languppa hukkungang, saba' ia a'lette'mu battu rikamateang antama' rikatallasang.

Rihattu lajanjanna Isa tau injo tinro-tinro ri injo na saba' Ia latarrusui ma'nassana ia sallomu assinsara assimpole injo, jari appaui Isa mange ri ia, ”A'ra'ko gassing?”

Kau musalidiki sikonjo Kitta' Tangkasa, saba' pa'ngare'mu ma'nassana lalang ri injo languppaiko tallasa mannannungang, mingka manna appakonjo iangase'na Kitta' Tangkasa injo assare passa'bi mae ri Nakke, geleko a'ra' battu mae ri Nakke languppa tallasa injo.

Lakuamo Isa mange ri ia, ”Ambaungko, angka'i tappere'mu na a'lingkako.” Rihattu injo jua molemu garrinna tau injo ampai laangka' tappere'na na a'lingkai. Mingka allo injo hattu Passambajanganna tau Yahudi.

Jari appihali Isa mange ri iyai, ”Sitoje'na Nakke appau mange ri kaui, Ana' tide' pakkullena laanjama se're passala battu ri kalenNa to'jua, ampa Ia gele lajanjang ta'ra jamana AmmanNa; saba' apa nulajama Amma, injo todo' lajama Ana'.