Popular Bible Verses from Lukë 7

Share

'A 'ia ‑gʋ 'n ‑gbala ‑mɩ ‑maa 'ɔa ‑balʋ 'kɔkɔmlɛ 'a 'ɔmɩ cere. 'A 'ia ‑gʋ 'ɔ ‑wa 'mɩ ‑gböösa. ‑Maa nyɔɔlɔ 'ü cerea' ‑balʋ jie nɩ, 'ɔɔ ‑waaa jie.» 'Ɔnya ‑gbala 'ŋlʋʋlɔ ‑maa: «‑Na ‑balʋ 'a ‑mɩ cere.»

'Ɔnya ‑gbala 'ŋlʋʋlɔ: «‑Na nyɔsʋaplɛ 'a ‑mɩ 'lɩmlɩba; mi, abɩa ‑na fugbaa 'mlɩ flɛrɛ.»

'Ŋlʋʋlɔ nya 'prɛrɛ 'ɔa dɛrɩ, 'ɔa beia 'pɛlɩ, 'ɔnya 'wu ‑bɛ 'ɔa 'mɩɔ totro Jesua bei 'wʋ. 'Ɔnya nʋ 'ɔa 'ŋuei 'ɔnya wɔpɔ 'uun, 'ɔnya 'kplara 'ɔa bei ‑tɔklʋ 'klɩ, 'ɔnya ‑gblɔɔ 'iin ‑daŋlʋɩnɩ 'wʋ 'kä.

'A 'ia ‑gʋ, 'na 'mʋgbɛ 'nyɩ bɩa ‑mɩ 'jäkalɩ ji. ‑Maa 'pa waklüü 'döö, ‑bɛ 'na 'jrʋpafɛnyɔɔ 'mä 'pʋ. 'Be 'na 'mʋgbɛ, 'n kä 'kamanyüü ‑bɛ 'n kä 'sʋgɩa, ü 'n 'kamaa'. Ama ‑gbala 'doo: ‹Mi ‑tɛ›, 'ii 'ɔ mö; ama ‑gbala ‑moloo: ‹Ji›, jö 'ɔ jö. ‑Bɛ ama ‑gbala 'na 'jrʋpafɛnyɔɔ: ‹Nʋ 'saa›, 'ii 'ɔ nö.» Jesu 'nua' wiili nyɔɔlɔ 'paa 'wli nɩ, 'i kala 'ɔɔn plɛklɩ. 'Ɔnya ‑sie nyüülü prɛa' 'ɔɔn dɛrɩ, 'üa 'pɛlɩ kälɩ, 'ɔnya ‑gbala 'üün: «'Amɔ 'n ‑gbala, 'nyɩ 'samaa plɛtoronyɔɔ Israɛɛlënyüüa 'mʋgbɛa ‑tɔrʋpɩɔ ‑a 'järä.»

'A 'ia 'taɩn 'doo 'lɩa mlɩ, Jesu ‑futo ‑wusublanyüü 'kɔkɔmlɛ nyra nyüü ‑mülü bäa' ‑sʋɩ 'lɩ. 'Ɔnya prɛ ‑balʋsisili bä ɩa' nyüü ‑mölöö 'lɩ. 'Ɔnya ‑jie 'nɔnɔnyüü 'kɔkɔmlɛa 'nyü 'ünya 'jäkä. 'Ɔnya 'sa 'üün ‑gälɩ, 'ɔ ‑nëma: «'Ama mi nɩ, 'ba ‑gbala Jaan wiili 'a 'jäa' ‑bɛ 'a 'nua' 'wli: ‹'Nɔnɔnyüü 'jääkä, kpakpanyüü 'nyɛɛ, 'jrʋklanyüü 'pʋɔ, 'susunyüü 'nöö, jäjänyüü tɛtɛkä, ‑bɛ 'ü 'sara 'lɩ 'pʋablanyüü 'Mʋfagogo.