Popular Bible Verses from Lukë 5

Share

'Ɔ bɩaa' 'kpɩkpɩakʋ nɩ, 'ɔnya ‑gbala Simɔɔ: «Fa ‑gɔlʋlʋ 'niea ‑plɩɩlɩ tʋŋlɔa' 'lɩ, 'kä 'a be 'ana ‑tatë 'nie 'klɩ.»

'Iibäa' Simɔɔ nɩ: «'Kamanyɔɔ, anyɩ 'mʋmɔ ‑a 'mʋmɔ ‑gbiara, a fɩafɩa anya sɩa, anyɩ dɛɛ ‑a 'jä. ‑Maa ‑gbaa' 'iin nɩ, 'nyaa ‑tata bea.» 'Ü nʋa' 'imɩ nɩ, 'ü 'kpla ‑srü 'kɔkɔmlɛ, ‑bɛ 'üa ‑tata köklö.

‑Maa Jesulɔ nɩ, ‑aaga 'lɩa 'doo 'ɔ bereklɩ, 'ii 'ɔ bibrie Nyɔsʋa.

'Nyɩ nyüülü ‑gäa' 'klɩ wekalɩ ‑a ji, ‑maa ‑balʋkänyüü 'n ji we 'ümä ‑balʋ 'pie.»

Simɔɔ Piɛɛrë 'jäa' 'imɩ nɩ, Jesua bei 'wʋ 'ɔ blö, 'ɔ ‑nëma: «'Pläkänyɔɔ, 'n bibie ‑mɩ, tʋŋlɔ 'mɩ 'lɩdɛrɩ! ‑Balʋnyɔɔ 'n bä!»

Jesu nya ‑gbala 'üün, ‑maa: «Nyüülü ‑wusu 'blaaa', 'üü mö ‑dɔta 'lɩ, ‑maa ‑mää ‑mülü ka fugbë 'naa' ‑a.

'Ü jaa' ‑goli 'nie 'mäklɩ nɩ, 'a ‑plɩɩ 'ü tɩ 'üa diia 'fɩɔ 'ünya ‑mɛ 'ɔɔn ‑gälɩ.

'Taɩn 'doo 'lɩ nɩ, Jesu bä ɩ bätëlëa ‑tɔrʋpɩɔa bätä 'dööa 'mlɩ, ‑bɛ nyɔɔ 'doo ji, 'ɔa fugba 'si 'jrʋa 'kpafë 'klɩ. Nyɔɔlɔ 'jäa' Jesu nɩ, 'ɔnya 'pa 'ɔa 'klɩ kotifli, ‑bɛ 'ɔ bibie 'ɔmɩ: «'Pläkänyɔɔ, ‑ama 'bata 'na 'pʋpʋɔkʋ, ‑mrɛɛ ‑a ‑futo 'mɩ.» Jesu nya to 'darʋ, 'ɔnya ‑fɛ 'ɔɔn ‑gba, 'ɔnya ‑gbala 'ɔɔn: «'N 'bata ‑na 'pʋpʋɔkʋ; 'pʋ!» 'A ‑plɩɩ 'jrʋ kʋ dotro, 'unya 'wʋ 'ɔɔn 'lɩ.

‑Maa Jesua 'nyrɩ mö ‑a 'doo. Nyüü 'kɔkɔmlɛ jö 'ɔɔn 'nyaklipo; ‑mölöö jö 'ɔmä 'üün 'pʋɔ.