Popular Bible Verses from Ntandiko 27

Share

Luhanga akuhe mu̱gi̱sa ku̱lu̱gha mu eghulu kandi mbu̱la na ki̱me, bihaaghe lwejo etaka lyawe, niikuwo weeleli̱yaghe kimui bilimuwa byawe. Mahanga ghakani̱ye ghaku̱heeleli̱yaghe, na bantu boona baku̱teeleli̱yaghe. Obe mukama wa baghenji̱ baawe kandi na baa njoko waawe baku̱teeleli̱yaghe. Boona abalakukiinagha, nabo balakiinuwagha. Abalakuhaagha mu̱gi̱sa, nabo balaghuheebuwagha.”

Esau aaghila ati, “Buuye taki̱hi̱ki̱ye kumughilamu Yakobbo? Oghu ghwaba mulundi ghwakabili nanjibha. Akatwala mu̱gi̱sa ghwanje ghwa kuba mu̱li̱ghaaso. Ti̱ olole aatodhi̱ye kutwala mu̱gi̱sa ghwanje. Buuye nanje tawambiikiiyeyo hakili mu̱gi̱sa ghumui bughila?”

Ese wee I̱saka aamukuukamu ati, “Uwe olaakalagha hʼetaka elitaakweli̱yagha bilimuwa kandi mbu̱la teelatoonagha mu etaka lyawe bbaa. Kihiyo kyawe niikiyo kilakulindagha kandi okuba mu̱syana wa mu̱ghenji̱ waawe. Bhaatu obu olyekamba kwelwanʼo, olitunga bughabe ku̱mu̱lu̱ghʼo.”

Esau aaghila ese wee ati, “Tita, majima kuwo waabaagha na mu̱gi̱sa ghumui ghwonkaha? Gutu tita, nanje ompe mu̱gi̱sa.” Du̱mbi̱ Esau aalilila kimui.