Popular Bible Verses from ROMANUN 8

Share

Kekekandahmin dush kuhkenuh enewh uhyeëen mahmahwe ahnookeemahgudoon cheöonjeshahwandahgoozewaud egewh suhyahgeähjig enewh Kesha‐Muhnedoon, mesuh egewh kahnundoomindjig emuh oodenanduhmoowining.

Kagate gooshah nepuhgukkandaun, kahween neboowin, kuhya bemahdezewin, kuhya angenug, kuhya kachetwahwezejig, kuhya mashkahwezejig, kuhya enewh uhyeëen noongoom ayaugin, gamuh pecheenug wahpeäh-yaugin. Kuhya ishpahwin, kuhya keenweendeemahwin, kah kuhya gagoo wazhechegahdag, ningahtapuhkawenegoosenahnin oonje oosahgeëwawining owh Kesha‐Muhnedoo emuh Jesus Christing Tabanemenung.

Mesuh kuhya owh Keche‐Oojechaug wahdookung kenuhneenemezewinenahnin; kah muh kekekanduhsemin kanundooduhmung kaëzhenundooduhmahgayungoobun: keguhnoodahmahgoonaun suh owh Keche‐oojechaug enewh nunduhwanduhmoowinun kakushketoosing cheëkedoong.

Ahneen dush kaëkedooyung noonduhmung oonoo uhyeëen? Kishpin weedookoonung owh Kesha‐Muhnedoo, ahwanan kamegahnenung?

Kah dush kayahbe nahneboomahsewug egewh dabandahgoozejig emuh Christ Jesusing, anoosasejig azhewabuk weyausemah, anoosawaud atuh azhewabezid Keche‐oojechaug.

Bahbahmanduhming ewh weyausemah mesuh neboowin; bahbahmanemind dush owh Oojechaugoomah mesuh ewh bemahdezewin kuhya pezaunewawin.

Menungakah! kuhkenuh oonoo uhyeëen ahwahshema kemahmauzhetwahmin oonje owh suhyahgeënung.

Nindenandum suh dush enewh kootuggetoowinun noongoom ayaugin kah taähpeetandahgussenoon chetuhgoo‐ahginjegahdag e‐ewh peshegandahgoozewin kamezheshuh‐wahbunduhegooyung.

Ahwanan kapukkawenenung emuh oonje oosahgeëwawining owh Christ? kootugganduhmoowin nuh, gamuh ketemahgezewin, gamuh kooduggeëgoowin, gamuh pukkuddawin, gamuh pingwuhshahgedewin, gamuh nuhneezahnezewin, gamuh ewh ahzhahwashk?

Owh dush kakandung enewh oodaëmaun ookekandaun enanduhmenid Keche‐oojechaugwun, ooguhnoodahmahwaun muh enewh anuhmeähnejin debishkoo enanduhmenid enewh Kesha‐Muhnedoon.

Menik suh goo kakenoowenegoojig enewh Oojechaugwun owh Kesha‐Muhnedoo, oodoogwissemegoowaun enewh Kesha‐Muhnedoon.

Egewh muh azhewabezejig azhekuhgaundwamahguk ewh weyausemah oobahbahmandaunahwah weyausewe uhyeëen; egewh azhewabezejig azhekuhgaundwad owh oojechaugoomah oobahbahmandaunahwah enewh Oojechaugoowine‐uhyeëen.

Owh muh kahsahgetuhmoosenoowung tebenuhwa oogwissun, kepuggedenaud dush ween kuhkenuh kenuhwind oonje, ahneen dush kaöonje‐meenissenoowung mahmahwe wanepuzh ahnooj gagoo?

Keche‐Oojechaug tebenuhwa mahmahwe kuhya kenuhwind kechechaugoonahnig kedenahjemegoonahnig ewh oonejahnesemenung owh Kesha‐Muhnedoo: Kishpin dush oonejahnesemegooyung, me ewh kaoonje‐debandahzooyung; chedebanduhmung Kesha‐Muhnedoo ooduhyeemun kuhya cheweej‐debandahsoomung owh Christ; kishpin dush oo‐oo azheähyahyung cheweeje‐kooduggetoomung, ewh edush nuh kuhya kenuhwind mahmahwe cheweeje‐peshegandahgoozemung.

Ewh weyausewe‐bahbahmanduhmoowin me ewh mahgahnegood owh Kesha‐Muhnedoo: kah mah puggedenedezoomahgussenoon emuh oodebahkoonegawining owh Kesha‐Muhnedoo, kah dush kagate tahkushketoomahgussenoon.

Ewh muh ookeche‐nunduhwanduhmoowin owh kahoozheïnd nundahwanduhmoomahgudene chemezheshuh‐wahbuhmenahgoozenid oonejahnesun owh Kesha‐Muhnedoo.

Kekekandahmin muh kuhkenuh egewh kahoozheindjig mahmahpenawaud kuhya wesugganduhmoowaud mahmahwe peenish egoo noongoom.