Popular Bible Verses from ROMANUN 4

Share

Kahween oogeähgoonwatunse ewh Kesha‐Muhnedoo oowahweendahmahgawin chepwah‐dabwayanduhmoowining, kesoongedaä dush emuh dabwayanduhmoowining kepeshegandahgoozeäud enewh Kesha‐Muhnedoon; Quuhyuk kekandung, ewh kahwahweendung owh Kesha‐Muhnedoo, ookushketoon cheëzhechegad.

(Debishkoo azhebeëgahdag, Kegeëzheïn cheöoyoosemikwah nebewah papuhkaun azheweenzoojig ahnishenahbag,) emuh anahsuhmenid enewh kahdabwayanemahjin, mesuh enewh Kesha‐Muhnedoon, owh nayaub bamahdezeäud enewh naboonejin, kuhya nandoodung enewh uhyeëen ayahsenigoon debishkoo goo ayahnegebuneen.

Owh kahpuggedenind kemujje‐ezhewabezewinenahnin oonje, kuhya kahahpejebahind kequuhyuk‐ezhewabezeëgoowinenahnin oonje.

Owh ahnoo goo kewahbunduhsig ahpanemoowin, kahdabwayandung ewh apanemoowin e‐ewh cheöoyoosemegood nebewah papukkaun azheweenzoonejin ahnishenahban, debishkoo ewh kahekedoongebun, Mesuh kemenekaun kaëzhewabuk.

Medush dabwayanduhmoowining wandahduk, wanepuzh shahwanemegooyung oonje; cheöonje‐debanduhmoowaud ewh wahweendahmahgawin kuhkenuh egewh wanejahnesemindjig; kahween atuh goo egewh kahoonejahnesemindjig emuh oonje tebahkoonegawining, egewh suh goo kuhya wanejahnesemindjig oonje oodabwayanduhmoowining owh Abraham; owh kuhkenuh wayoosemung

Oo‐oo keëkedood, Shahwandahgoozewug egewh kahwabenuhmoowindjig oomujjeëzhewabezewinewah, kuhya oobahtahzewinewah kahahgwunuhegahdanig. Shahwandahgooze suh owh enene, mujje‐ezhewabeze, kaënanenemegoosig enewh Kesha‐Muhnedoon.

Ahneen muh akedoomahguk ewh kechetwah‐oozhebeëgawin: Abraham oogedabwatuhwaun enewh Kesha‐Muhnedoon, me dush oo‐oo kahoonjeënuhgemind ewh kequuhyuk‐ezhewabezid.