Popular Bible Verses from ST. LUKE 2

Share

Kenegetahmahgoom suh noongoom kezheguk emuh oodoodanuhwing owh David Bamahjeëwad, mesuh owh Christ owh Tabaningad.

Angenun dush oogeëgoowaun, Kagoo sagezekagoon. Benuh gooshah, kewahweenduhmoonim kache‐moojegandahgwuk minwahjemoowin, chedebahjemootahwindwah kuhkenuh ahnooj azheweenzoojig ahnishenahbag.

Tahpeshegandahgooze suh owh Kesha‐Muhnedoo ewede keche‐ishpeming kuhya oomuh uhkeeng pezaunewawin, kuhya shahwanjegawin anduhzhe‐ahyahwaud egewh enenewug.

Jesus dush kemahjege emuh nebwahkahwining kuhya emuh weyowing, kuhya ashkum oogeminwanemegoon enewh Kesha‐Muhnedoon, kuhya enewh enenewun.

Mesuh maunduh kekenoowahjechegun kaähyahmag; kegahmekahwahwah owh ahbenooje takoobezood, kuhya shangeshing emuh anduhzhe‐wesenewaud egewh ahwahkaunug.

Keähyahwug ewede duhzhe uhkeeng egewh mahnishtahnishe‐wenenewug, ahgwahjeeng ketegauning nebabetuhmoowaud, guhnuhwanemahwaud oomahnishtahnishemewaun tabekudenig. Benuh dush, Jehovah oodangenemun kepenebahwewun emuh ahyahwaud, kuhya oopeshegandahgoozewin owh Jehovah kesahgahtane kewetuhyeëe emuh ahyahwaud: kekeche‐sagezewug dush.