Popular Bible Verses from SAN LUCAS 2

Share

Ar chipam i tinamit asjanak wi̱ꞌ i kꞌatal kꞌoric maꞌ Tawiy, chipam akꞌab yuꞌna xasjic i Ajabe̱s Pahbamaj chi Kꞌatal Kꞌoric reꞌ naricoꞌlonic aweh tak.

Reꞌ raj tzꞌeꞌ wa̱ch i Dios jeꞌ wili xikꞌor queh: «Maꞌ tiyoꞌjic tak. Chabiraj tak chi coric i holohic laj kꞌoric nanikꞌorom yuꞌna maj reꞌ hat-tak kꞌe̱ꞌ nasukbok acꞌux tak chꞌi̱l take tinamit nachabiraj tak i kꞌoric wili

«Yuꞌna reꞌ take cꞌacharel ayuꞌ wach acꞌal naquicꞌacharic chic pan sukquil cꞌuxlis, ruꞌum nok reꞌ Dios kꞌe̱ꞌ raj chi suk laj cꞌacharic chic nacaꞌnam. Katioxej aj tak johtok reh Dios wilic cho pan taxa̱j chi jeꞌ reꞌ cꞌahchiꞌ ribanam cho cu̱cꞌ take cꞌacharel ayuꞌ wach acꞌal, nqui take.

Jeꞌ woꞌ chic, nok cꞌahchiꞌ riqꞌuijolbic johtok, kꞌe̱ꞌ cꞌahchiꞌ rikꞌasamric rinoꞌjbal eh ru̱cꞌ reꞌreꞌ, maꞌ pajoj ta naxirak ricꞌaxbal chiwach i Dios jeꞌ woꞌ chi quiwach take tinamit.

Reh aj chi na̱naꞌbem tak wach i haꞌlacꞌun reꞌreꞌ, reꞌ wili nanikꞌorom aweh tak chi rehtalil: Ar pan jenaj riwaꞌbal wacax na̱rakam tak i haꞌlacꞌun reꞌreꞌ botomaj pan quich ruꞌum ritu̱t, nqui i raj tzꞌeꞌ wa̱ch i Dios.

Chipam akꞌab reꞌreꞌ, ar chiri̱j lok i tinamit Welen cu̱cꞌ take nquichaꞌjej quime̱ꞌ pan tak chakꞌab, jenaj peꞌ raj tzꞌeꞌ wa̱ch i Ajabe̱s Dios ruhmumaj chic cok chi quiwach eh xisakomjic take ruꞌum risakomil rilbal reꞌ xa jeꞌ chic ricab risakomil i Ajabe̱s Dios. Reꞌ take reꞌ naxquilow chi jeꞌ reꞌ, yohbal wach naxiyoꞌjic ruꞌum.