Popular Bible Verses from SAN JUAN 11

Share

Reꞌ Jesus jeꞌ wili xikꞌor reh: «Reꞌ hin i quinyeꞌbic quicꞌacharic chiꞌnchel cꞌacharel eh reꞌ woꞌ hin quinucsunic cho queh camnak reh chi naquicꞌacharic woꞌ chic. Ruꞌum aj reꞌ hab wach n-niminic wi̱n to̱b ta quimok je xa na ricꞌacharic woꞌ chic ricaꞌpech. Jeꞌ woꞌ reꞌ ncꞌuluric ru̱cꞌ i cꞌacharel reꞌ yeꞌo̱j chic reh chi encꞌacharic chi junelic ruꞌum chi xirinimej chic, reꞌ cꞌacharel reꞌreꞌ maꞌ xa quimic naribanam je chi junpech naquimok je. Nacoj na wach wili i hat Ma̱rta? nqui Jesus reh.

Ar aj ruꞌ reꞌ Jesus jeꞌ wili xikꞌor reh Ma̱rta: «Reꞌ hin xnikꞌor chic aweh wi reꞌ hat enachꞌica̱ꞌ acꞌux chiwi̱j enawilow nicꞌ wach riban rajawric i Dios, nqui reh.

Ar ajic reꞌ Jesus xiban rokꞌim ruꞌum xtiꞌbic woꞌ ricꞌux chiri̱j riquimic i La̱saro.

Naxponic i kꞌoric reꞌreꞌ ru̱cꞌ i Jesus, jeꞌ wili xikꞌor: «Reꞌ yaꞌbilal nbanic reh La̱saro maꞌ reꞌ ta cansbal reh chi junpech, naricamanic laꞌ chi cꞌuhtbal reh rinimal wach rajawric i Dios jeꞌ woꞌ chi reꞌ hin reꞌ rAcꞌu̱n i Dios encꞌutunic chi wilic woꞌ wajawric, nqui Jesus.

Nok rikꞌorom chic kꞌoric reꞌreꞌ, reꞌ Jesus jeꞌ wili kꞌoric xiban chi cow: «La̱saro, telok cho wach sakom, nqui xikꞌor. Xa ru̱cꞌ kꞌoric reꞌreꞌ, reꞌ La̱saro reꞌ camnak nak chic, xelic cho wach sakom chi botomaj ri̱j pan tzꞌih eh chi poylic woꞌ i na̱. Ruꞌum aj reꞌ, reꞌ Jesus jeꞌ wili xikꞌor: «Chatoꞌbej tak chi richejeric lok i tzꞌih botomaj wi̱ꞌ ri̱j reh chi suk chic behic eriban, nqui Jesus.

Chiri̱j wili ar chic chi chi̱ꞌ rimukꞌunbal i La̱saro, reꞌ Jesus xchalic riman ritiꞌquil pa ricꞌux. Ar aj ruꞌ ruꞌum chi reꞌ mukꞌunbal reꞌreꞌ pan abaj tikꞌimaj cok eh chi jenaj maꞌ laj abaj ntzꞌapbic wi̱ꞌ chi̱ꞌ

Nok rikꞌorom chic take kꞌoric reꞌreꞌ, reꞌ Jesus xikꞌor woꞌ chic keh chi jeꞌ wili: «Reꞌ kich kꞌorom La̱saro, xoquic chi wiric xa reꞌ laꞌ yuꞌna nawojic nicꞌaꞌsam cho wach, nqui keh.