Popular Bible Verses from 3 JUAN 1

Share

Wasbe̱s reꞌ tiꞌ tiwicꞌraj, reꞌ hin naniban niti̱j chawi̱j, nipahkaj johtok reh kAja̱w Dios chi jeꞌ ricab nok chi xa suk laj cꞌacharic naꞌn chiwach chipam animinic, jeꞌ woꞌ reꞌ nwa̱j i hin chi chiꞌnchel ta nak elok chawach chipam acꞌacharic eh xa suk laj cꞌacharic ta woꞌ chaꞌn china̱ acꞌal wili.

Wasbe̱s maꞌ Ca̱yo reꞌ tiꞌ tiwicꞌraj pan niminic, reꞌ wili nwa̱j chawi̱j ru̱cꞌ i kꞌoric niban je aweh yuꞌna: Ma̱tijej aweh i maꞌ holohic ta laj noꞌjbal jeꞌ ricab riban i Tiyo̱trepes reꞌ laꞌ chatijej riman aweh ribanaric i holohic laj noꞌjbal ncaꞌn take toco̱m chic aj niminel eh chi jeꞌ reꞌ xa naricꞌuhtunic woꞌ lok chi reꞌ hat, hat chic racꞌu̱n i Dios. Jeꞌ reꞌ nikꞌor maj jeꞌ ricab chi reꞌreꞌ maꞌ riban ta holohic laj noꞌjbal ricꞌuhtaj lok chi maꞌ rinaꞌbem ta wach i Dios chi coric, jeꞌ woꞌ reꞌ hab wach riban i holohic laj noꞌjbal ricꞌuhtaj woꞌ lok chi reꞌreꞌ racꞌu̱n rixkꞌu̱n i Dios chic.

Ru̱cꞌ xkꞌormojic wi̱n reꞌreꞌ, maꞌxta na nchel richalic sukquil cꞌuxlis wu̱cꞌ ruꞌum? Jeꞌ reꞌ nikꞌor maj nibiraj chi reꞌ nicꞌ paꞌ qꞌuihal take xo̱j caꞌn chi jeꞌ chic wacꞌu̱n wixkꞌu̱n take pan niminic ruꞌum reh cꞌuhbalanic xniban queh, xcaꞌn chi xa coric woꞌ wach quicꞌux eh cꞌahchiꞌ quicꞌacharic chipam i coric laj niminic wilque̱b wi̱ꞌ.