Popular Bible Verses from ลูกา 4

Share

“ซือมืองัจ นะ ตูฮัด_ ญา อาดา บือซามา กู ดัฮ. กรานา ญา บือเลฮ ตืองะ กู_ บีดา กู นะ ปี มือญาเระ บรีตา นู บาฌิ_ บรี กะ โกะ ซือมียา ฮาฌะ. ญา บือเลฮ ซูโรฮ กู ปี มือญาเระ_ กะ โกะ ซือมียา นู ฌาดี ฮามา จะ_ นู กูญา นะ ลือปัซ ดัฮ. ปี มือญาเระ_ กะ โกะ ซือมียา มาตา บูตา_ นู กูญา นะ บือเลฮ ลีฮัจ บือฆารี ปูลัก เลอ. ปี ตูโลก โกะ ซือมียา นู กือนา ปรือกัด_ บรี ลือปัซ เดะ ลาฆู ซูซัฮ ดัฮ. ปี มือญาเระ บรี ตาฮู ฌูฆา จะ_ รอจ วะตู ดัฮ_ นู ตูฮัด นะ ตือจีฮัด ซูโงฮ_ กะ โกะ ลูมอฮ ซือมียา นะ ญา เลอ .”

เยซู ตีกัฮ กะ ฮาตู ซีตัด จะ_ “ซูรัจ ปือมือเลา นะ ตูฮัด มือเลา จะ ‘กือนา มือญือมัฮ กะ ตูฮัด บือซัยํ เดะ อาตัซ_ ตูฮัด นะ เกา เลอ. กือนา ตูเฮะ กะ ญา_ นู ฌาดี ตูฮัด แนฮ ซา เลอ .’ ” ญา จะ.

เยซู ตีกัฮ กะ ญา จะ_ “ ซูรัจ ปือมือเลา นะ ตูฮัด มือเลา จะ ‘นู โกะ ซือมียา นะ ฮีโดะ เตอ_ บูกัด ซา ซือบารัก มากัด เลอ. ’ ญา จะ.”

กะฆีเตอ_ เยซู บาลิ มาแรฮ_ ดาตัก เดะ ซูงัย จอแดน. อาดา ซือมืองัจ นะ ตูฮัด ปือนอฮ เดะ ฮาตี นะ ญา_ บาวา ญา บือปี_ กะ โซะ ปาดัก ตานัฮ ตูโฮยํ นู ลือฆา เลอ.

เยซู ตีกัฮ กะ ฮาตู ซีตัด อีตู จะ_ “ซูรัจ ปือมือเลา นะ ตูฮัด มือเลา จะ ‘ฌางัน นะ ลกลีฮัจ ตูฮัด เดะ อาตัซ_ นู ฌาดี ตูฮัด นะ เกา เลอ .’ ” ญา จะ.

ตานา กือปาลา ฮาตู ซีตัด บือเลฮ บืออาฌะ เยซู บรี บูวัจ ซาลัฮ_ ราตา ลาฆู ฮาบิฮ ดัฮ_ ญา ตีงัน เยซู ปี_ นาตี ตาดัฮ นู บาฌิ อาซิก ปูลัก.

กะฆีเตอ ฮาตู ซีตัด บาวา เยซู_ ปี ญาแญะ กะ ตือปัจ ตีงี_ บรี ญา ลีฮัจ โกะ นังฆรี ซือมูฮา_ ราตา เดะ ดือนียา ซือกาลี. ฮาตู ซีตัด มือเลา จะ “ลาฆู มือฆัฮ_ ลาฆู บาฌิ บือฆาจะ อีนี ซือมูฮา_ กู นะ บรี กะ เกา เลอ. กู ซาโมจ ดัฮ ซือมูฮา. กู นะ บรี กะ ซาปา โปด_ บือเลฮ ฮาปา เลอ. ดัฮ เกา นะ มือญือมัฮ กะ กู เตอ_ ลาฆู อีนี ซือมูฮา_ นะ บือเลฮ กะ เกา ดัฮ เลอ.” ญา จะ. เยซู ตีกัฮ กะ ฮาตู ซีตัด จะ_ “ซูรัจ ปือมือเลา นะ ตูฮัด มือเลา จะ ‘กือนา มือญือมัฮ กะ ตูฮัด บือซัยํ เดะ อาตัซ_ ตูฮัด นะ เกา เลอ. กือนา ตูเฮะ กะ ญา_ นู ฌาดี ตูฮัด แนฮ ซา เลอ .’ ” ญา จะ.

กะฆีเตอ_ ฮาตู ซีตัด บาวา เยซู บือปี_ กะ นังฆรี เยรูซาเลม_ บรี ญา บือดีรี_ เดะ อาตัซ กือมูโบก นู ตีงี_ เดะ รูมัฮ มือญือมัฮ ตูฮัด. ญา มือเลา ฌางัน เยซู จะ_ “ดัฮ เกา ฌาดี นานะ นะ ตูฮัด โปด_ เกา กือนา ตรือโฌด เดะ อีนี_ ปี กะ บาวัฮ เลอ. ซาเบะ ซูรัจ ปือมือเลา นะ ตูฮัด มือเลา จะ “ ‘ตูฮัด นะ ซูโรฮ โกะ ฮูลู บาลัก นะ ญา มาแรฮ ปือบือลา เกา_ มาแรฮ ฌาฆา เกา เลอ.’ ” อาดา ฌูฆา นู จะ_ “ ‘กูญา นะ ฮามัจ รีบา เกา_ เดะ ตางัน นะ กูญา_ ตีเมา บรี กากี นะ เกา_ นะ กือนา บาตู .’  ” เยซู ตีกัฮ กะ ฮาตู ซีตัด อีตู จะ_ “ซูรัจ ปือมือเลา นะ ตูฮัด มือเลา จะ ‘ฌางัน นะ ลกลีฮัจ ตูฮัด เดะ อาตัซ_ นู ฌาดี ตูฮัด นะ เกา เลอ .’ ” ญา จะ.