Popular Bible Verses from ลูกา 22

Share

ญา จะ_ “อาโปก เออ_ ดัฮ กือนา เดะ ฮาตี นะ เกา_ มีตา บรี อาเมด ลาฆู ซูซัฮ อีนี_ นู ซือรูปา กะ เจาะ ปือนอฮ อาระ_ อูบัฮ ปี ฌาโวฮ เดะ กู เลอ. ตาปี ฌางัน บรี ฌาดี_ บือกะ ฮาตี นะ กู. บรี ตูโรจ บือกะ ฮาตี นะ อาโปก เลอ.”

ตาปี กู บือเลฮ บือซาโวจ บีดา ญาวา นะ เกา_ บีดา ลาฆู ปือจายา นะ เกา_ ฮอย เตด ปูตุซ ดัฮ. กะฆีเตอ_ กาลา เกา บือเลฮ บราเลฮ ฮาตี ปาเระ ดัฮ_ กือนา ตูโลก อาโซฮ ฮาตี โกะ อาดี บราดี นะ เกา ฌูฆา เลอ.”

กะฆีเตอ_ เยซู ญา อาเมด ตือโปก โรตี มาแรฮ_ บรี ซือลามัจ กะ ตูฮัด เดะ อาตัซ. ญา ลือแปะ โรตี_ อูโญะ กะ กูญา_ มือเลา จะ_ “นี เลอ_ ฌาดี ญาวา นะ กู_ นู ซรัฮ บรี กรานา กาเญา. กือนา บูวัจ ตูโรจ ลาฆู กะฆีนี_ บีดา บรีงัจ กะ กู เลอ.”

ตานา กูญา มากัด ดัฮ_ ญา อาเมด เจาะ อาระ อางุน มาแรฮ_ ญา บูวัจ ซือรูปา_ มือเลา จะ_ “เจาะ อีนี เลอ_ ฌาดี ปือมือเลา บือปาคัจ นู บารู_ นู ตืองะ บรี ตือตู ดัฮ_ ฌางัน ดารัฮ นะ กู_ นู นะ มือนีแลฮ ตรือเบะ กรานา กาเญา.

เยซู ญา ฆาโดฮ ฮาตี บาญะ_ ญา ฆางู บือซาโวจ. ญาวา นะ ญา ปือโลฮ มือนีแลฮ บาญะ_ ซือรูปา บือกะ ดารัฮ ฆูโฆยํ กะ ตานัฮ_ บีฌี บือซัยํ. ]

ตาปี โซะ ลูมอฮ กาเญา_ ฮอย เตด กะฆีเตอ เลอ. ซือมียา ดีฮา เดะ ลูมอฮ กาเญา_ นู ฌาดี บือซัยํ เดะ กาวัด_ บรี ซือมียา อีตู ฌาดี ซือรูปา อาดี. ซือมียา ดีฮา ฌาดี กือปาลา_ บรี ซือมียา อีตู ฌาดี ซือรูปา ซือมียา มือนูโลก เลอ.

เยซู มือเลา จะ_ “เปโตร เออ_ กู มือเลา ฌางัน เกา จะ_ อารี อีนี_ ดูลู เดะ ฮายับ นะ มูเกาะ_ เกา นะ มือเลา กีปัซ กู บูวัก_ ตีฆา กาลี_ มือเลา จะ_ ฮอย เตด กราลา กู.”