Popular Bible Verses from ปือบูวัจ 4

Share

“เดะ ซือมียา อาซิก นู ดีฮา โปด_ ฮอย ซาปา นะ บรี ฮีโดะ ลือปัซ บาฌิ. กรานา เดะ บาวัฮ ลาแงะ_ ฮอย ปือนามา อาซิก_ นู ตูฮัด บรี กะ ลูมอฮ ซือมียา_ นู นะ ตูโลก กีตา บรี ฮีโดะ ลือปัซ บาฌิ ดัฮ. ฮอย ลาลู เลอ.” เปโตร ญา จะ.

กาลา กูญา บือซาโวจ ดัฮ_ ตือปัจ นู กูญา บือมุน บือซามา_ บรีเงาะ โตระ. กูญา ซือมูฮา_ ปือนอฮ ฌางัน ซือมืองัจ นะ ตูฮัด. กูญา ฮาตี บรานี_ ปาคัจ มือเลา ปือมือเลา นะ ตูฮัด.

วะตู อีนี_ ตูฮัด เออ_ ลีฮัจ เลอ_ กูญา ปือซัด บลารัก กะฮามี ดัฮ. มีตา เดะ ตูฮัด_ บรี กามี นู ปราโซฮ นะ เกา เตอ_ บรี กามี บรานี มือเลา ปือมือเลา นะ เกา เลอ.

เยซู เลอ_ ฌาดี ซือมียา นู ซูรัจ ปือมือเลา นะ ตูฮัด มือเลา ปาซัน ญา จะ “ ‘บาตู บือซัยํ อีตู_ นู กาเญา_ โกะ ตูกัก กรือฌา รูมัฮ_ ตีงัน บูวัก ดัฮ บาตู อีตู เลอ_ ปาเระ มาแรฮ ฌาดี บาตู กือปาลา ซาฆี ดัฮ ’. ”

ลูมอฮ ซือมียา ลีฮัจ จะ_ เปโตร ฌางัน โยฮัน ฮาตี บรานี กะฆีเตอ. กูญา ตาฮู จะ_ ดูวา อูรัก อีตู_ ฌาดี ซือมียา เตด บือเลฮ บลาฌัยํ ซูรัจ_ บูกัด ซือมียา บือซัยํ. กะฆีเตอ กูญา ปือและ ฮาตี ซูโงฮ. กูญา ลีฮัจ จะ_ กือดูวา อูรัก อีตู ฌาดี ซือมียา_ นู บือเลฮ ตูโรจ บือซามา ฌางัน เยซู ดัฮ.

ลูมอฮ ซือมียา นู ปือจายา_ กูญา บือปาคัจ บือซามา_ ซา ฮาตี ซือมูฮา. ฮอย ซาปา มือเลา จะ_ โกะ ซือบารัก นู ญา อาดา_ ฌาดี ซือบารัก นะ อีซี ญา ตะอาซิก. ตาปี โกะ ซือบารัก ราตา ซือมูฮา_ กูญา ซูโรฮ บือซามา-ซามา.