Popular Bible Verses from Jon 3

Share

God temwegololo basla i tarut at li uruu, bi maskani Nujun niah tekaji bamte nuhu aji seranae niah ran bihni mwetaknga nan ba ran ba mat nga ba ran butdihi masradaan.

God teba sote Nujun naga mwisipma li uruu nuhu nema sipma ne sasate nokon tarut at li uruu ba tesipma nuhu nema vamwesa ni.

Jisas balu ini bep nuhu, “Mwetaknga letlet nam bep mini kik, aji manba kita ut kokon nga non God tigiah man ba wo mwetak tenga.”

Aji nan ah bihni mwetaknganan Nujun God ba man badi nga le sasaran. Ba u aji ah teba vihni mwetaknga nan Nujun God nga ba man di le sasaran u gonani teba vihni mwetaknga nan Nujun God nga niah bwaleh.

Halan veveikan ba tedapmak naahe, hee, tesipma li uruu ba tarutni ram doni wulmet ngate tokol vali hee, u gonani no lelian ba mwe gapma.

Roron Jisas man miu, bi ban lilwi ut. Ba nana ba nan gam banvan nge.”

Aji ah non lelian mwe gapma ba barik hee. Man bapma nga le hee u gonani bihriani goah man got sereserean na non kapmwaan.

Aji ah bihni mwetaknga nan Nujun ba man mas l masradaan. Ba aji ah teba vihni mwetaknga nan Nujun nga ba manba wutdihi masradaan nga. Gonani lelekakat non God ba mandi rada li aji nanong, bi man ba van tenga dini.

Tapmak goah tei mate, ba Moses tedakrani topmin teltel li vini tebu. Ba ran leli nana natapmak, nana niah nambi Nujun Aji

Tadat te kaji bamte nana niah nambi Nujun. Teskak sera leutnae vali non rowok tegol.