Popular Bible Verses from مەرقوس 13

Share

گشتیەکی وەبونەێ ناو من قینێانه لێدان تێد؛ وەلێ هەر کەس تا وه ئاخر بەردەوام بمینێ، نجات پەێا کەی.

جا هوشدان بود و وەخەوەر بون، چوینکه نيەزانين ئەو وەخته کەی رەسێ.

جا هەر وەخت گردنەدان و بردندانه دادگا، وەرجه ئەوه نگران نەون چه بویشین، بەڵکەم هەر چی وه ئەو وەخته وەپێدان بیەرێی ئەوه بویشن، چوینکه ئەوه که قسیه کێ ئیوه نین بەڵکەم روح‌القودوسه.

ئاسمان و زەوی له بین چود، وەلێ قسیەیل مه هەراێهەر له بین نیەچود.

«وەلێ ئەو ڕوژ و ساته هویچکەس نیەزانێ بێجگه باوگ؛ تەنانەت فریشتەیل ئاسمان و کوڕیش وه لێ ئاگادار نین.

وەختێ له باوەت جەنگیل شنەفین و خەوەر جەنگیل وه گوشدان رەسێ، ڕخدان نەچود. ئیجور هەڵکەفتیلێ باێه بکەفێ، وەلێ هێمراێ ئاخر زەمان نویه.

جا ئیوەیش وەخەوەر بون، چوینکه نيەزانين خاون ماڵ کێ تێی، شەو یا نیمه شەو، له وەخت قویلەێ کەڵەشیر یا شەوەکی. نەخواێ ئەوه وه ناکاوه باێ و ئیوه وەناو خەو بوینی. ئەوه که وه ئیوه ئویشم، وه گشتیەکی ئویشم: وەخەوەر بون!»

ملەتێگ ئەڕا ملەتێگ‎تر و مەمڵەکەتیگ ئەڕا مەمڵەکەتی تر هەڵسێ. وه جایل جورواجور زەویه لەرزەیل تێد و بوده قاتوقڕی. وەلێ ئیانه تەنیا نیشانەیل شرو ژانیل زاینه.

یەکم جار باێه ئینجیل ئەڕا گشت ملەتیل بانگەوازی بکرێی.

فره له کەسیل وه ناو من تیەن، ئویشن، ”مه هەر ئەوه مه“ فره وه کەسیلیش گومڕا کەن.

«وەلێ ئیوه هوشدانه خوەدانەو بود، چوینکه دەنەدانه دەس دادگایل و وەناو کەنیسەيل دەنه لێدان و وەبونەێ مه بەنەدانه لاێ فەرمانداریل و پادشایل تا وه نوایان شاێەتی بیەین.

چوینکه مەسیحیل دروەکانی و پەێخەمەریل دروەکانی ئاشکرا بون و نیشانەیل و موجزەیل تیەرن تا ئەگەر بکرێ، هەڵوژاردەگان گومڕا بکەن.

«وەلێ وه ئەو ڕوژیله، وەشون ئەو بەرده، «”خوەر تیەریکەو بود و مانگیش دی نویر خوەێ نێی. هەسارەیل له ئاسمان کەفنه خوار و هێزیل ئاسمان تیەنه لەرزه.“