Popular Bible Verses from لوقا 14

Share

«هەر کەس وەشون منەو باێ له باوگ و داڵگ، ژن و مناڵ، برا و خویشک و تەنانەت له گیان خوەێ دەس نەشوری، نیەتویەنی بوده شاگرد مه.

هەر کەیش سەلیب خوەێ نەگریه کوڵەو وەشون منەو نای، نیەتویەنی بوده شاگرد مه.

چوینکه هەر کەس خوەێ گەوراوه بکێ، بویچگەو بو، هەر کەس خوەێ بویچگەو بکێ، سەربەرزەو بود.

جا هەر ئیجوره هویچ کام وه ئیوەیش تا وه گشت دارایی خوەدان دەس نەشورین، نیەتویەنین بوینه شاگرد مه.

«کیه له لێدان که بتواێ برجێگ بنیاد بنێد و یەکم جار نەنیشێد تا خەرجەگەی حساو کتاو بکێ و بوینی ئێ تویەناێ تەمام کردنێ دێرێ یا نه؟ چوینکه ئەگەر بنەواێ بنێ وەلێ نەتویەنێ تا بان بویدەێ، هەر کەس بوینیدێ، تویلەکی وەپێ کەێد، ئویشێ: ”ئی پیا شرو کرده سازینێ، وەلێ نەتویەنست تەمامی بکێ!

جا وەختێ مێوانی دەێ، دەنگ دەستەنگ و فەلەج و شەل کوریل بکه، که بەختەوەر بویدن؛ چوینکه ئەوانه چشتێ نێرن ئەوەزی وەپێد بیەنەو. ئمجا تو پاداشد ئەو وەخته که ئایەمیل سالح زنیەو بون، گرید.»

«نمەک خاسه، وەلێ ئەگەر تامێ له دەس بێی، چوی بو وه دواره سوڵەو بکرێ؟ نه وه کار زەوی تێی و نه وه دەرد مشتی کوت؛ بەڵکەم ڕشننێ دویر. هەر کەس گوش شنەوا دێرێ، بشنەفێ!»