Popular Bible Verses from لوقا 12

Share

ئمجا ئیوەیش گورجەو بون، چوینکه کوڕ ئنسان وه یەێ ساتێگ تێ که فکریشێ نیەکین.»

بەڵکەم ئیوه، وەشون پادشایی ئەوه بون، که ئیانیشه گشتێ درێیده پێدان.

ئمجا عیسا وه مەردم وەت: «هوشدان بود و له هەر جور حرس و تەما پارێز بکێن، چوینکه زنەیی ئنسان وه فراوانی دارایەگەێ نیه.»

چوینکه گەنجدان وه هەر کوره بود، دڵدانیش ها ئەوره.

کیه له ئیوه که بتویەنێ وەگەرد نگرانی، ساتێگ وه عومر خوەێ فرەترەو بکێ؟

ئمجا عیسا وه شاگردیل خوەێ وەت: «جا وه ئیوه ئویشم، نه نگران زنەییدان بون که چه بخوین و نه نگران جەسەدان که چه بکێنه وەر.

تەنانەت موییل سەر ئیوه وه تەمامی ژماریاس. ڕخدان نەچود، ئیوه فرەتر له هەزاران مەلویچگ تیەرزیەن.

«ئێ ریەن بویچگ، زاوردان نەچود، چوینکه خوەشنودی باوگ ئیوه ئیەسه که ئی پادشایه بێیده پێدان.

بنوڕنه غەڵایل: نەکاڵن و نه درەو کەن، نه کەێان دێرن و نه ئەمبار؛ وەلێ خودا روزیێان دێ. جا ئیوه چەنێ فرەتر له باڵەندەیل تیەرزیەن!

جا وەشون ئیه نەون که چه بخوین یا چه بنوشین؛ نگرانیش نەون.

جا ئەگەر خودا گژگیای دەیشت که ئیمڕو هەس و سو فڕه دریده ناو تەنویر، ئیجور دایپوشنی، چەنێ فرەتر ئیوه داپوشنێ، ئێ کەم ئیمانیل!

هویچ چشت شاریایەو نیه ئاشکرا نود و هویچ چشت نوقومێگ نیه دیار نود.