وەشون ئیه که قاواڵتی خواردن، عیسا له شەمعون پتروس پرسی: «شەمعون، کوڕ یوحەنا، توی فرەتر له ئیانه مه دوس دێرێ؟» ئەوه جواو دا: «بەڵێ ئێ خوداوەند؛ تو زانید که دوسد دێرم.» عیسا وەپێ وەت: «وەرکەگانم بلەوەڕن.» دویم جار عیسا له لێ پرسی: «شەمعون، کوڕ یوحەنا، ئێ دوسم دێرێ؟» جواو دا: «بەڵێ ئێ خوداوەند؛ زانی که دوسد دێرم.» عیسا وەته پێ: «بوه شوان پەسەگانم.» سێیەم جار عیسا له لێ پرسی: «ئێ شەمعون، کوڕ یوحەنا، دوسم دێرێ؟» پتروس وەبونەێ ئیه که عیسا سێ جار له لێ پرسی، دوسم دێرێ؟» نارەحەت بی وەپێ وەت: «ئێ خوداوەند، تو له گشت چشتێگ خەوەر دێرێ؛ تو خاس زانید که دوسد دێرم.» عیسا وەپێ وەت: «وەرکەگانم بلەوەڕن.