Popular Bible Verses from یوحەنا 19

Share

وەختێ عیسا تام شراو ترشەگه کرد، وەت: «تەمام بی.» ئمجا سەر داگرد و گیان سپارد.

وەشون ئیه، عیسا که زانستیا گشت چشتێ تەمام بیه، ئەڕا ئیه که کتاو موقەدەس باێه دی، وەت: «تیەنیمه.»

وەختێ عیسا دی که داڵگێ له لاێ ئەو شاگرده که دوسی داشت وساس، وه داڵگێ وەت: «ئافرەتەگه، بنوڕ کوڕەگەد». ئمجا وه ئەو شاگرده وەت: «بنوڕ، داڵگد.» له ئەو ساتەو، شاگردەگه، ئەوه بردێ ئەڕا ماڵ خوەێ.

وەلێ وەختێ ڕەسینه عیسا و دین که مردگه، ساقیلێ نەشکانن. وەلێ یەکی له سەربازەگان نیزەێگ کرده کەلەکەیەو زویزی خوین و ئاو له لێ کەفته ڕێ.

ئیانه هەڵکەفت تا کتاو موقەدەس باێه دی که: «هویچکام له سقانیلێ نیەشکێ،» هەر ئیجوره له شونێگتریش کتاو موقەدەس ئویشێ: «نوڕنه ئەوه که وه نیزه دانەسه لێ.»

عیسا هەر ئەوجورە که سەلیبەگەێ وەبان شانێ بی چیه دەیشت، وەرەو شونێ که وەپێ وەتیان کاسەێ سەر، که وه زوان ئارامی وه پێ ئویشن جولجوتا.

سەربازیلیش تاجێ له دڕگ چنین و نانه سەری و بەتیەێگ ئەرخەوانی کردنه وەرێ،