Popular Bible Verses from یوحنا 12

Share

اَوَه گه بِیتی خِلمت اَر مِه بِهِه، باس باءَ دُم مِنا؛ ئو جای گه مِه بوئم، خادم مِن‌یش هار اورَه. کسی گه خِلمت اَر مِه بِهِه، باوَه آسمونی عزّتَ مَنِتی اَری.

کسی گه گیو ووژ دوس داشدوئیتی، اَوَه اژ دَسَ مِ. مِنتائای کسی گه اِنوم ایی دنیا اژ گیو ووژ بیزار بو، اَوَه اَرِه ژییاین ابدی حفظَ مِهِه.

حخیختاً، موشِمَ بینتو، اَرّ تُئم گَنِم نَکُوء اِنوم خاک ئو نَمِری، تَنیا مَمینی؛ مِنتائای اَرّ بِمِری ثمر فِرِه‌ی اِرَماری.

مِه اِجور نُیری هاتِمَس اَرِه ایی دنیا تا هر کی ایمون اَر مِه باری، اِنوم تیَریکی نَمینی.

اَرّ کسی قصَه‌ل مِه بشتوئی، مِنتائای اَژینو اطاعت نِهِه، مِه اَر او داوری نِمَهَم؛ اَرِیَگه نِهاتِمَ تا اَر دنیا داوری بِهَم، بلکِم هاتِمَ تاگَه دنیا نجاد بیَم.

اَسَه، مریم عطِر خیمتی‌ای اژ گل سنبل خالص گه نزیک نیم لیتر بی، گِرتی ئو رِشونی‌ اَر رُی پال عیسی ئو وَه گیسَلی پال او حُشگا کِردی، هُنَ گه اَ مالَ پِرا بی اژ بو عطِر.

وَه تَلَل دار خرما گه وَه دَسونا بی هاتِنیِ نوا. اونَل مَقارونو ئو موئِتو: «نجاد بِ! بِمارِکَ اَوَه گه وَه نُم خداونَ مای، بِمارِکَ پاتِشا اسرائیل!»

عیسی وِتیَ بینو: «سات مرگ ئو زِنیابیئِن کُر اِنسو رَسیَ.