Popular Bible Verses from Juan 19

Share

Nikuna a masápsáp dán ni Jesus u alak ay kinagi na, “Natapos dán.” Indukog na u ulo na sakay nabágsutan siya ti angás.

Tukoy ni Jesus a natapos na dán u atanan a tarabaho na, sakay tán matupad u katoy tu Kasulatan ay kinagi na, “Mauwawák.”

Nikuna a ketan ni Jesus a mágtaknág hod tena na sakay kasadát na u pinakamamahal na a disepulus ay kinagi na nena na, “Ináng, ináng ibilang mo siya a kumán a sadile mo a anak!” Sakay kinagi na be tu disepulus na, “Ibilang mo siya a kumán a sadile mo a ina.” Sapul ti itod ay nágyan dán u ina ni Jesus tu páppágyanan ni disepulusan itod.

Pero tu káadene de ni Jesus ay netan de a patay dán siya, kanya awan di dán pinuseng u tulang na hide. Pero u essa a sundalo ay pinika na u hawes ni Jesus tu gayang, sakay bigla a nagbulos u dige ay tu dinom.

Nangyare i bagayan iye hide para matupad u kinagi na tu Kasulatan, “Awan ti mapuseng maski ni essa tu tulang na hide.” Kinagi be tu essa pa a bahagi nu Kasulatan, “Áelingán de u tolay a ginayang de.”

Sakay limmuwas hide tu banuwan. Impabáklay de ni Jesus u kudus na a paangay tu lugar a dáddulawán a “Bungo” (a tu upos ni Hebreo ay Golgota).

Sakay u sundalo hide ay naggimet hide ti kurona a saet sakay inkurona de tu ulo ni Jesus. Sakay sinulutan de siya ti badu a kulay ni ubi dipo sa itod u kurol nu badu nu hare.