Popular Bible Verses from Ya-Sfadoci Mafiyo 19

Share

Chena Oesise u tah wrpvmvhi, Welvwv ilaneki mvtvyaci-wvtwi yomv; wakv Mvnatu jrivhki wiahi kvtv-wvtwi, u talvhi nihi.

Waciganvhi wvhsi bur gidani nihki neswi-wrci, wakv nakude-mahi wivufi. Wiahi waciganvhi Mvnatu mviahci tvqinvgi, tagi welrni ilani wi piginv, u talvhi.

Chena rpvfsa macimi, Hv mvtv ge-lvwv ki mah’ Irbrtudr-nrwv, yasi inv ma-machrtv nihi ina vlamvh-kvmikvtwi uci ilani chena iqawv u tas’ hvhi nihi, macimi, Xvga yomv uci ilani wah nvkvlrli u fvli macimi u gali, chena wa hrye-dala-mrli wewvli; macimi nihki wah nakudefa-nili wivufi iwv? isi-wa.

Pvyaqv Jesise Welrni la-lamahku nihki vpaluhfa-fvki, macimi tagi kutalahku nihki, wvhsi bialutvwi-wrci : xvga iuhgoni welvwv ini wafapvh-kvmigigi ugimrwi-drmqa, isiwa.

Pvyaqv maci wa gci-udrnrgi-feki na-nhihdr-wicki; macimi na-nhihdr-wicki wa gci-udrnrgi-feki.

Chena jrgi wiyafv mviahci nvkvtvkv wegiwr-pvli, walr ujaninrnvhi, walr utiqami-mvhi, walr ufimrli, walr ugali, walr vpalufhi, walr vsisgi-wvli, xvga ni wefowa uci, wa hutfaku tabawa-tfwagfanwi, macimi wah lrpsinwv goqa-lrqvsi ianvwawewa.

Wesv mafafi-ivna, nhrla, myagilu ba-bonv-mvni, macimi meli inv gitamrfv, chena gah bonv pvwrwa betiga wafapvh-kvmigigi : macimi birlu nakvsilu, u talrli Jesise.

Chena, Gociwa nelv gi nvtuhtvwi ini wa-uwasrgi? nakutihi vpiwv inv wa-lafitv : pvyaqv wesv becfr-ivna ini lanvwawewa, gjetvwafilu nili tapigamowanv, u talrli nili.

Chena gi tala-pwv nuhgi, Vlikv wacihi ini wahsi srbweci gamvli tv husgesaku-wigi srpunikv, notv pvwawi ’lani wvhsi becfrci ini ugimrwi-drmku-mi Mvnatu.

Macimi gi tala-pwv nelv, Goqa-nafv-grci wa pgah-whrli wewvli, waciwaphi wabaladewa uci, macimi kutvkvli wah wewi-nrli, mvci-lvwi wrpvsiphigawa : macimi inv wa-wewi-nrtv nili iah pgaho-fulici mvci-lvwi wrpvsiphigawa, u talvhi.

Chena Tapilo gi tala-pwv nelv, Gesanr-tatwi ini wvhsi bec-frci pvwawi ’lani ini wafapvh-kvmigigi ugimrwi-drmqa, u talvhi Jesise u kvgahgimrfhi.