Popular Bible Verses from YASFADOCI LOKU 12

Share

Nahfrpi gelvwv mahci-wafiku : xvga buryr ini yrtafvgi si taha-yaqa inv u Qihfvli ilani biawv.

Pvyaqv nvtunahv-muku gelvwv ugimrwi-drmkumi, macimi yolumv wiahi gah goludr-gopwv.

Macimi gici-tvwrfeku, chena jrivhgi vbaladewa uci gicitvwi nuhbianv-muku geyrwv : xvga ilani u ta lanvwawewa mvtv ini utatwi mrlafewa-nagi uci ini wiahi ba-bonvgi, u talvhi nihi.

Xvga tvh ’dagi gi pv-wrwa, nahfrpi ’n’tvsi wa vhdawi gi tahi.

Chena drnvwa inv gelvwv pami wesrfeta wa huci kvtvwi golutu nakuti giupit ini u ta lanvwawewa si tapvcikv-nagi?

Chena Waciganvhi gi talapwv nelv, u talvhi u kvgahgi-mrfhi, Tagi ki ta lanvwawewa-nwv uci wesrfeku, wiahi wvh meci-yaqa; walr tagi nuhgi geyrwv, wiahi wvh lvsa-yaqa.

Wakv tapilo nili gelahfwv jrivhki giginotvgita. Tagi kusiwaku : vliwi ki ta la-lamakufipwv gelvwv notv maci udawani-wisgiluh-fvki.

Tagi kutv-muku, cvgi nakudwalo-fvki; xvga ini yasi uwasi manwi-tahawa-nici k’Uhfwv wvhsi melal-wrqa ini ugimrwi-drmqa.

Mamagina-lamahku nihki grkvlwhaki, yrsi bur nihki vhciga-wrci, nuhgi mvtv kvwvsqhrwaki; mvtv nihki u bonr-nrwv bonvhfowikv walr kvwvsqikv; macimi Mvnatu u csvmvhi nihi : gahfwi si vlikv ki ta lalamakufipwv gelvwv nihki wisgiluhfvki !

Chena gelvwv tagi nvtunahv-muku wvh meci-yaqa, macimi wvh mana-yaqa, tagi nuhgi neswi-tahrkv-niku.

Wakv qahqi Mvnatu yone Iv-sahdota nili mskutahqvlu, ini ala Iskvhgigi, yagi inugi grsagigi, macimi wrpvga ini gisifikv-nagi ipvgidota; drniwa laghi si vlikv gah lvsaghukuwv inv, O gelvwv cvgi dapwahsa-fvki?

Pvyaqv mvtv vhdawi wiahi patvghota, ivh bur ini pvhkvsanota; macimi gigidota, ivh bur ini wrkudota.