Popular Bible Verses from لُوقَا 6

Share

أدّو، و بِدّوكُم. كيله كوَيسَه، مَوَزَّنَه تَمام، مَحظوظَه، مَليانَه، يَدُّوكُم في إيدينكُم. عَشان الكيلَه الإنتو تَدّوها، بِتكون الكيلَه الهُم بِدّوكُم.“

الزّول الصّالِح مِن كَنز قَلبو الصّالِح يَطَلِّع حاجات صالحَه. و الزّول الشَّرّير مِن كَنز قَلبو الشَرِّير يَطَلِّع حاجات شَرّيرَه. عَشان مِن الكِترَت الفي قَلبو، خَشمو بِتكَلَّم.

لَكِن حِبّو عُدوانكُم، و أعمِلو الخير ليهُم و أدّو سُلفَه، و ما تَنتَظِرو حاجَه. و أُجرَتكُم تَكون كَبيرَه، و إنتو تَكونو أولاد الله العالي. عَشان هو عِندو نِعمَه لِلما يَشكُروهو و الشَّرّيرين.

كونو مَليانين رَحمَه زي ما أبوكُم كَمان رَحيم.

و ما تَحكُمو عَلى زول، عَشان إنتو ما بِتكونو مَحكومين. ما تَلَوِّمو، عَشان ما بِتكونو مَلَوِّمين. أغفِرو، و يِتغَفَر ليكُم.

لَكِن أقول ليكُم، يا ناس السامِعين. حِبّو عُدوانكُم. و أعمِلو كوَيس لِلنّاس البِكرَهوكُم. و بارِكو البِقولو عَليكُم لَعنَه. و صَلّو عَشان اليَعمِلو حاجَه بَطّالَه ليكُم.

و زي ما إنتو عاوِزين النّاس يَعمِلو بيكُم، أعمِلو إنتو بيهُم كِدا.

اليَضرُبَك عَلى جَمب واحِد مِن وَشَّك، أقلِب ليهو التّاني كَمان. و الياخُد بَدَلَك، ما تابا تَدّيهو قَميصَك كَمان. و كُلّو واحِد اليَطلُب مِنَّك، أدّيهو. و الياخُد مالَك، ما تَطلُبو مِنّو تاني.

عَشان ما في شَجَرَه سَمحَه بِتَلِد ثِمار بَطّال، و لا في شَجَرَه بَطّالَه بِتَلِد ثِمار سَمِح.

عَشان كُلّو شَجَرَه مَعروفَه بِالثَّمار بِتِاعا. و النّاس ما يَلِمّو تين مِن شَجَر الشّوك، ولّا يَلِمّو عِنَب مِن شَجَر الغابَه.