Popular Bible Verses from لُوقَا 12

Share

عَلى كِدا خَلّيكُم جاهِزين، عَشان في السّاعَه الما مُنتَظِرينو، فيها إبن الإنسان يَجي.“

لَكِن أطلُبو مَلَكوت الله، و الحاجات دي كُلُّها بِزيدو ليكُم.

و قال ليهُم: ”شوفو و أحرِسو نُفوسكُم مِن كُلّو طَمَع. عَشان حَياة الزّول ما بِتَجي مِن كَترَت الحاجات العِندو.“

عَشان المَكان الفيهو كَنزَكُم، هِناك كَمان قَلبَكُم بِكون في.

و مِنو مِنَّكُم إذا كان بِفَكِّر كَتير يَقدَر يَزيد عَلى طولو ضُراع واحِد؟

و هو قال لِتَلاميذو: ”عَشان كِدا أنا بَقول ليكُم: ما تَفَكِّرو كَتير لِحَياتكُم بِتاكلو شِنو، و لا في جِسِمكُم بِتَلبَسو شِنو.

لِغايَة كُلّو شَعر رُسينكُم كَمان مَعدود. ما تَخافو. إنتو أحسَن مِن عَصافير كَتيرَه.

ما تَخافو، يا المُراح الصَّغير، عَشان أبوكُم رَضيان يَدّيكُم المَلَكوت.

فَكِّرو في الطُّيور، الما بِزرَعو و لا بِجمَعو الدُّرَه، و ما عِندَهُم بيت و لا مَخزَن، و الله بِدّيهُم أكِل. و إنتو أحسَن مِن الطُيور بِكَتير!

و ما تَطلُبو بِتاكلو شِنو و بِتَشرَبو شِنو. و ما تِتحَيَّرو.

و إذا كان الله يَلَبِّس كِدا القَش الفي الزِّراعَه النَّهار دا، و بُكرَه بِرموهو في الفُرن، كَم بِالأكتَر يَلَبِّسكُم، يا قَليلين الإيمان.

عَشان ما في شي مُغَطّى الما بِكون مَفتوح، و لا مَدسوس الما بِكون مَعروف.