Popular Bible Verses from Matthew 6

Share

Eornestlice secheð ærest godes riche ⁊hys rihtwysnesse ⁊ealle þas þing eow beoð þærto geeacnode.

Ne beo ge na hugiende emb þa morgendliche neode. Soðlice se morgenliche dayg chareð embe hine selfne. Aighwilc daig hafð genoh on his eagen embhugan.

Forþan ich segge eow ðæt ge ne syon embhydige eowre sawle hwæt ge eton. ne eower lichaman mid hwam ge syon embscridde. Hu nys syo sawul selre þanne mete ⁊eower lichame betere þanne þæt reaf.

Þu soðlice þonne þu þe bidde. gang into þinen helclyfen ⁊þinre dure belocenre. bide þinne fader on diglen ⁊þin fæder þe sihð on dyglen hyt agylt þe.

Eornestlice gebiddað eow þus. Fader ure þu þe ert on heofene. sye þin name gehalged. tobecume þin rice. Gewurðe þin gewille. on eorðan swa swa on heofenan.

ure dayghwamlice hlaf syle us to dayg.

⁊forgyf us ure geltas swa swa we forgyfeð ure geltenden.

⁊ne læd þu us on costnunge. ac ales us of yfele soðlice.

Witodlice gyf ge forgyfeð mannan heora synnan. þonne forgyfeð eowre se heofenlice fæder eow eowre geltes.

Behealded heofenen fugelas. forþan þe hyo ne saweð. ne hyo ne ripað. ne hyo ne gaderiað on berne ⁊eowre heofenlice fæder hyo fet. Hu ne synde ge selre þanne hyo.

Nellen ge goldhordian eow on eorðan goldhordas. þær om ⁊mohþe hit fornymð ⁊þær þeofes hit delfeð ⁊forsteleð. Goldhordiað eow soðlice goldhordes on heofenan. þær naþer om ne mohðe hyt ne fornymð ⁊þær þeofes hit ne delfað ne ne forsteleð. Witoðlice þær þin goldhord ys. þær is þin heorte.

Ne mayg nam man twam hlaferden þeowian. oððe he soðliche ænne hateð ⁊oþerne lufað. oððe he beoð anen gehersum ⁊oðren ungehersum. Ne magen ge gode þeowian ⁊weorldweolan.

Soðlice gyf akeres weod þæt þe to daig ys ⁊beoð to morgen on ofen asend. god swa scrit. eale ge gehwædes geleafen. þam mycele ma he scryt eow.

Soðlice þonne þu þine ælmesse do. nete þin wynstre hwæt do þin swiðre. þæt þin ælmesse syo on diglen ⁊þin fæder hyt agelt þe. se þe sihð on dyglen.

Gegymeð þæt ge ne don eowre rihtwisnysse before mannum. þæt ge syen geherede fram heom. Elles næbbe ge mede mid eowre fædere þe on heofene ys.

Soðlice þanne ge fæsten. nellen ge wesan swilce lease licceres. hyo fornymeð hyre ansiene. þæt hyo æteowun mannen fæstende. Soðlice ic segge eow þæt hyo onfengen heore mede. Þu soðlice þanne þu fæste smere þin heafeð ⁊þweah þine ansiene. þæt þu ne sy gesewen fram mannen fæstende. ac þinen fæder þe is on dyglen ⁊þin fæder þe sihð on dyglen. hyt agelt þe.