Popular Bible Verses from Matthew 18

Share

Ðær tweigen oððe þreo synden on minen namen gegadered þær ich eom on heore midlene.

Eft ich eow segge gyf tweigen of eow geþwariað ofer eorðan be ælchen þinge þe hyo byddað. hyt gewurð hym of minan fæder þe on heofene ys.

Ænd þa clypede se hælend enne geongling ⁊sette on heora midlen ⁊cweð. Soðlice ic segge eow. bute ge beon gecyrde ⁊geworðenne swa swa litlingas ne ga ge on heofena riche.

Swa hwylc swa hine eadmet. swa þes litling. se ys mare on hefene riche.

Ænd swa hwilc swa enne þellicne litlyng on mine naman onfegð se onfegð me.

Soðlice ich segge eow swa hwilce swa ge gebindað ofer eorþan þa beoð gebundene on heofene ⁊swa hwilce swa ge ofer eorþan unbindað. þa beoð on heofene unbundene.

Swa doð min se heofenlice fæder gyf ge of eowren heorten eowren broðren ne forgyfað.

Soðlice se þe beswicð ænne of þissen litlyngen þe on me gelyfeð betere hym ys þæt an cweornstan syo to hys sweoran gecnyt ⁊sye besænced on sæs grund.

Hwæt ys eow geþuht gyf hwylc man hæfð hund scepe ⁊hym losæð an of þam. hu ne forlet he anan þa nigon ⁊hundnigentig on þam munte ⁊gæð ⁊secð þæt an þe forwurð.