Popular Bible Verses from Loma 3

Share

Bantu nyonso me sumuka, mpe me kondwa nkembo ya Nzambi. Kasi na bumbote ya yandi, Nzambi ke kumisaka bawu ya kudedama ya mpamba na lusalusu ya Yesu-Klisto yina ke na kukuula bawu na masumu.

Nzambi ke kumisaka bantu ya kudedama samu na kiminu ya bawu na Yesu-Klisto*. Yandi ke salaka yawu samu na bayina nyonso ke kwikilaka Yesu-Klisto, samu ti bantu nyonso kele mutindu mosi

Ni yandi Nzambi pesaka mutindu munkayulu, samu ti bantu kuzwa na lufwa ya yandi mulemvo ya masumu samu na kiminu ya bawu. Yandi salaka mutindu yina samu na kulakisa ti yandi kele ya kudedama, samu ti yandi sembaka ve masumu yina bantu salaka na ntama ntangu yandi lakisaka mvibudulu ya yandi. Yandi ke na kulakisa ludedomo ya yandi ntangu yayi samu na kulakisa na mbala mosi ti yandi kele ya kudedama, mpe yandi ke kumisa ya kudedama bantu nyonso yina ke kwikilaka Yesu.

Ni yawu yina, ata muntu ke vwanda ya kudedama na meso ya Nzambi na kusala mambu yina ke tumisaka Misiku. Ya tsyelika, Misiku kele samu na kulakisa na bantu ti bawu ke salaka masumu.

mutindu yawu kele ya kusonama na Dibuku ya Nzambi: «Ya kele ve na muntu ya kudedama, ata mosi ve. Ata muntu ke na mayela; Ata muntu ke sosaka Nzambi. Bantu nyonso me zimbana nzila, mpe bawu me sumuka kintwadi. Ya kele ve na muntu yina ke na kusala mambu ya mbote, ata mosi ve.

Ya tsyelika, beto ke na kutala ti Nzambi ke kumisaka muntu ya kudedama samu na kiminu ya muntu yina. Kasi ya kele ve na kutumama na Misiku.

Ve! Beto fwana kuzaba ti Nzambi ke tubaka butsyelika ata ti bantu nyonso kele bantu ya luvunu, mutindu yawu kele ya kusonama na Dibuku ya Nzambi: «Bantu fwana kuzaba ti nge Nzambi kele ya kudedama* na mambu yina nge ke zonzaka, mpe kana bantu fundisa nge, nge ke nunga.»