Popular Bible Verses from MARKUS 14

Share

Ken Na', “U Amei, Ika' aleng gem ket lim-lim, Im ukéh nah tebuk anih men Akui, bi alem ha' nutih pah meng ngioh kenep Kui, bi sayu nah ngioh kenep Ka' tua.”

Mengan nah kelo' dahin sebayang, ja kelo' em ga' pesek. Lan kenep kelo' ngenep, bi batung kelo' lema.”

Lan Akui kuma' men ikam, hino'-hino' ha' usun tana anih dengah sayu anih seng en daha' pedengah, hadui doh anih pah seng en daha' nira lahuh, avan hituk té' iha'.”

ken Na' men dalo', “Kenep Kui kelalau lalé' bahat, awi seng matei dih henoh Kui anih. Melo' nah kelo' tinih mengan nah kelo'.”

Alem dalo' kuman, en Yesus ala nah luti, uh nah Iha' sebayang, en Na' mi'ang-mi'ang nah, en Na' uk nah men dalo', ken Na', “Ala nah, anih nah batung Kui.”

En Na' ala pah ji tebuk, uh nah Iha' bara sayu kenep en Na' uk nah men dalo', dalo' lim pah du'i té' tebuk atih. Ken Na' nah men dalo', “Anih nah daha Kui, daha aleng bara jaji Kui, aleng Ek uak men kelunan ngahum.

Ken Yesus men dalo', “Kelo' lim seng duhei kenep té' Akui, avin té' uh kalung, ‘Akui seng jeliket laké' aleng puboh duba atih, ateng daha' duba tei petat-purat tua.’

Ma'un nah kelo', tei nah telo'. Nyineng, kelunan aleng ma'uk Akui uh jeleng.”

Ken Yesus men iha', “Dahuk lan men ika', men malem anih nusi' payan hiap ngeturut dua' hangun, ika' uh pamoh Akui telo' hangun.”