Popular Bible Verses from ARING KELESING 37

Share

Malem ji hangun ngenyupé' nah Yusuf, pelalau en na' tira nah nyupin na' anan men dalo' harin-harin na', té' anan pah dalo' harin na' nan sa'-sa' heléh té' iha' ji'ek.

Israel nyalam lelan té' Yusuf men'uh ha' nyalam té' dalo' anak na' aleng ha' béh, avin Yusuf aleng anak uku na'. Iha' pah na basung aleng aru kiput men Yusuf.

Tegu dalo' harin na' jam kenep taman na' lalé' nyalam té' Yusuf men'uh lim dalo' aleng harin na' aleng ha' béh, heléh nah kenep dalo' té' iha', nusi' nah dalo' na daho' aleng sayu men iha' ji'ek.

Men'uh anan la'an ngenyupé' pah iha' ji na'an nyupé', en na' petira pah men dalo' harin na' anan la'an, ken na' nira na', “Té' pah nyupik la'an, akui nyineng matan dau dahin bulan, té' pah pulu-ji kelawing, lim daha' nei nyepukun ha' unan kui.”

Mi'en lan-lan nah dalo' harin na' anan té' iha', bi taman na', en na' lo' alem kenep na' tua daho' atih.

Ken Yusuf men dalo' harin na' atih, “Sayu kelo' kelenghi akui nira nyipik nih. Tegu kui ngenyupé' akui jam telo' peharin té' ha' luma' mepeng parei meté' ngepah-ngepah na', beka' aleng ek ngepah nei nekring, men'uh anan nei nah kepah aleng anun kelo' teliling aleng kepah kui, pelalau nukem nyepida té' aleng kepah kui anan dih.”

Sayu nah telo' lematei iha' tua mesau iha' alem ji lesung anih. Tana' telo' bara daha' na'a, uh en tulan hatan ala nah iha', ken telo' si', ja telo' nyineng nuno' si' tuk tei nyupin na' anan dih!”

Tegu daha' aleng kaya' men Midian lalau tinan, en dalo' ala nah Yusuf men alem lesung anan, pelalau belé' iha' té' daha' kelunan Ismael, legah na' dua'-pulu li'ap pirek tua. Yusuf pah pelalau en daha' geri ha' daléh Mesir.

Ken ji la'ung men ji la'ung, “Nyineng kelo', laké' nyupé' arei dih nei nah.

Alem iha' su loh kah tula nah iha' kitan dalo'.Em payan ha' ateng ha' dalo', pakat nah dalo' una', ilau alan ngenep lematei iha'.

Té' pah ji dahun Ruben men dalo', “Meng telo' seng lematei iha' ké, sayu telo' metei iha' alem lesung aleng té' ha' tana ngahit anih, bi meng telo' na ket nun-nun té' iha' ji'ek,” avin alem kenep na' atih ngenep seng makau Yusuf men alem usu dalo' harin na', ja geri iha' uli pala taman na'.