Popular Bible Verses from Luc 3

Share

Te deɓaʼa nʼnga ar haha: Aman Jean a ga ta baptême a ndohi tèlèba, a nʼnga na baptême a Yèsu. Aman Yèsu a ntsu rai, a giɗfèk a mwin na. Mèzhèɓ Zhiklè nkezlaʼa a mshkèhai a géɗ nengaʼa, ara nkuɗhom. A ta tsena ngèɗè staɗ te zhiklè te géɗèʼa, man a gaɗa: Ka kra ga man i woy ka a ndav ga. Ndav ga a wuffè kumba a géɗ ngaya.

A Jean a mʼmbeɗa ta a ma a ndohi tèlèba: Iyè, i ga kinè baptême a iyam. Aman ndo ngiɗè a di a shkè, man a fena wuɗi ga, nengaʼa a da ga kinè baptême a Mèzhèɓ Zhiklè nkezlaʼa, a vogwa. I gi huyokokoʼa, i slaha a i gshè kotokoroh nengaʼa a ri ɓai.

Va-ngreda auda zuraʼa, ara man kin ngwoda ndav kinè. Kin hur ɓai a kin gaɗa, Abraham bab nga. Aman i gaɗa kinè, Zhiklè a slaha a nyoko na wudahi a Abraham te kwahi haha.

Antanta, dzana a nʼnza te verzi wof. Wof staɗ staɗ tèlèba man a yi wuda zuraʼa azɓai, ta ngélèʼa, a ta kalda a vogwa.

ara man ta Windo te ɗèlèwèr ma Esaie, ndo nhadka ma, man a gaɗa: Ngèɗè ndo ngiɗè man a bèhè tʼhèshèkèɗ: Va-tila civèɗ Bi Zhiklè, va-ga civèɗ nengaʼa saraʼa! Nkulgodokihai tèlèba ta da ɗaɗal ta, za a ngègèɗhi tèlèba ta da mbeɗkaɗ ta a hai, a skwi ndzaraʼa a gi a civèɗ saraʼa, a kurzlazli kwahai ta da ndedahai, a ndohi tèlèba ta da rka skwi mʼmbel ndo Zhiklè.