Popular Bible Verses from Genèse 17

Share

Aman mvi Abram 99, Ndo nzi pèc pècèk a ngudoko na va a dai, a ngaɗa na: I Zhiklè Bi wuɗai. Gso civèɗ ga, a ka nza zuraʼa

Gar haha anai nzlembaɗ ngaya Abram asakaɓai, aman Abraham; aman i da ge ka a bab ndohi herkeda kumba.

Nderzlè-ma nga a ka a ndohi verzi ngaya, a verzi verzi tengaʼa, a mèdèp, aman i gi a Bi Zhiklè ngaya, a Bi Zhiklè ndohi verzi ngaya.

Nderz-lè-ma nga a ka, na haha: Ka gi a bab ndohi herkeda kumba kumba.

A Bi Zhiklè a ngaɗa: Azɓai, Sara, ngwoz ngaya, a da ya ka kra nguraʼa, a ka da baha na Isaac. I woy a i derzla ma ga a nengaʼa ba a mèdèp, aman i Bi Zhiklè nengaʼa, a Bi Zhiklè ndohi te verzi nengaʼa.

A i va ka, a ndohi verzi ngaya, herkeda a haha, man ka a mbrok te pa, kokwar Canaan tèlèba, a ka ngotso a mèdèp, a i ndi a Bi Zhiklè tengaʼa.

Abraham a nkalahi a deb sak nengaʼa, a ngwoshè, a ngod te géɗ na: Ndo man mvi na 100, a da yi kra ɗè? A Sara, mvi na 90, a ngècè kra genè dè?

A Bi Zhiklè a ngaɗa na Abraham: Sarai, ngwoz ngaya, anai ta baha na Sarai asaɓai. Nzlembaɗ nengaʼa antanta: Sara – ngwoz bai.

Ta ngela na mbèbèc ngwon. Nasa skwi man a ngreda nderzlè-ma nga a kinè.

Aman i woy a i zlècèdè nderzlè-ma ga a Isaac, man Sara a da ya ka, a tèra aranta.

Kra nguraʼa staɗ staɗ tèlèba te ndev kinè, man a ngu mʼmèn 8, ta ngela na ngwon, verzi verzi tèlèba. Ko ɓèlè man a yu te gi ngaya, ko nengaʼa man ta suma a sulai a sam bab na ngiɗè, man ndo verzi ngaya ka ɓai. Tèlè ta ngela ta ngwon. Nengaʼa man a myu te gi ngaya, a nengaʼa man ka suma a sulai. Nasa nderzlè-ma nga te gada va kinè, nderzlè-ma a mèdèp.