Popular Bible Verses from Exode 6

Share

Gar haha gada ta ndohi Israel: I Ndo nzi pèc pècèk, i woy a i helka kinè auda te mizlinè bèlè te kokwar Egypte, a i mbel kinè auda te ɓèlè kinè, i tèr ri ga a i preka kinè auda te ɓèl kinè, a i ga ta kita mbiaʼa.

I woy a i par kinè a ndohi ga, a i gi a Zhiklè kinè, a kin da suna, i Ndo nzi pèc pècèk, Zhiklè kinè, man a pre kinè auda te mizlinè ɓèlè man a nzala kinè te kokwar Egypte.

A i woy a i de kinè a kokwar man i mbada ta nda Abraham, Isaac a Jacob, aman i gada i da va kinè. I woy a i va kinè, iyè Ndo nzi pèc pècèk. A Moise a ngra ta ndohi Israel. Aman ta ca ma Moise bai, a géɗ zlau mizlinè tengaʼa man wuɗitpa.

Ndo nzi pèc pècèk a ngaɗa na Moise: Anai ka da rka skwi man i da ga na Pharaon. Wuɗi ri ga a da gi aman a va ta civèɗ, a vava. Wuɗi ri ga a gi man a nda dzamka ta auda te kokwar na.