Popular Bible Verses from Exode 10

Share

Te deɓaʼa Ndo nzi pèc pècèk a ngaɗa na Moise: Do a sam Pharaon, aman i sassaya ndav nengaʼa, a ndav golahi nengaʼa, a i ga ta skwi tsaɗ tsaɗ. A ka njè ta wudahi a wud wudahi ngaya, ara man i ga ta matakwan a ndohi Egypte, a ka njè ta skwi man i ga ta, a kin suna, i Ndo nzi pèc pècèk.

A Ndo nzi pèc pècèk a ngaɗa na Moise: Geda ri ngaya a zhiklè, a ruva tèdèdikdikaʼa a nshkè a géɗ kokwar Egypte. À Moise a ngeda ri a zhiklè, a ruva a mshkè a géɗ kokwar Egypte, tèdèdikdikaʼa, mʼmèn makar. Ndo ngiɗè a rka ngiɗè ɓai, ndo a nslambaɗa auda a sam nʼnzi na ɓai, mʼmèn makar. Aman a sam ndohi Israel, sam nhela, di a rka cerhcerhaʼa.

A Moise a ngeda gada a géɗ kokwar Egypte. A Ndo nzi pèc pècèk a nzlündo kozlar te man a civèɗ mvèng pats, a pats staɗ, a vad staɗ. A prèk kozlar a nslambaɗdekoɗi dzarai. A dzarai a nshkè a géɗ kokwar Egypte tèlèba, a ta nza a kokwar ndohi Egypte tèlèba, ɗekɗekaʼa. Dzari zlèzlèa a nshkè aranta ɓai, ko pats ngiɗè ba a da shkè arsa azɓai.