Popular Bible Verses from यहून्‍ना 16

Share

मैंनै जे बात तुमसै इसताँई कैंई कै मेरे दुआरा तुमकै सान्‍ति मिलै। दुनिया मै तुमकै दुख मिलो है मगर हौसला रक्‍खौ, मैंनै दुनिया जीत लई है।”

पर जब बौ यानी सच्‍चाई को आत्‍मा आगो तौ बौ तुमकै सब सच्‍चाई के रस्ता बतागो, कैसेकै बौ अपनी ओर सै कुछ ना कैगो, पर जो कुछ सुनैगो, बौई कैगो और आनै बारी बातौं कै तुमकै बतागो।

अब तक तुमनै मेरे नाम सै कुछ ना माँगो; माँगौ और तुमकै मिलैगो जिस्सै तुमकै पूरी खुसी मिलै।

पर मैं तुमसै सच कैबौ हौं कै मेरो जानो तुमरे ताँई अच्‍छी बात है, कैसेकै अगर मैं ना जांऔ तौ बौ सायता कन्‍नै बारो तुमरे धौंरे ना आगो, पर अगर मैं जांऔ तौ बाकै तुमरे धौंरे भेज दंगो। और जब बौ आगो तौ पाप, धरम के काम और परमेसर के नियाय के बारे मै दुनिया को सक दूर करैगो।

और तुमकै बी अब तौ दुख है, पर मैं तुमसै फिर मिलंगो और तुमरो दिल खुस होगो, और तुमरी खुसी कै कोई तुमसै छीन ना सकैगो। बा दिन तुम मैंसै कोई सबाल ना पूँछौगे। मैं तुमसै सच-सच कैबौ हौं, अगर तुम अब्बा सै मेरे नाम सै जो कुछ बी माँगौगे, तौ बौ तुमकै देगो।

मैं तुमसै सच-सच कैबौ हौं कै तुम रोओगे और बिलाप करौगे, पर दुनिया खुस होगी। तुमकै दुख होगो, पर तुमरो दुख खुसी मै बदल जागो।