Popular Bible Verses from मरकुस 13

Share

अउ मोर नाव के कारन सबेच लोग मन तुमन मन ले बैर रखही; पर जेमन मन अन्त तक ले धीरज धरे रही, ओकरेच उद्धार होही।

देखा, जागत अउ प्रार्थना करत रहा; काबर कि तुमन मन नी जानथा कि ओ घरी कब आही।

जब ओमन मन तुमन मन ला ले जाए के सोपही, त आगू ले चिन्ता झिन करिहा कि हमन मन का कहबो; पर जे कुछ तुमन मन ला ओहिच घरी मे कहल जाही ओहिच ला कईहा; काबर कि बोले बाला तुमन मन नी रईहा, लेकिन पवित्र आत्मा हर रही।

अकाश अउ पृथ्वी टईल जाही, लेकिन मोर गोएठ हर कभो नी टलही।

ओ दिन या ओ घरी कर बिषय कोनो नी जानथा, न स्वर्गदूत मन अउ न बेटा; लेकिन केबल दाऊ हर ही।

जब तुमन मन लड़ाई अउ लड़ाई मन कर चर्चा सुनिहा, त झिन घबरईहा; काबर कि एमन मन कर होवई जरूरेच है, लेकिन ओ समय मे अन्त नी होही।

एकरे बर जागत रहा, काबर कि तुमन मन नी जानथा कि घर कर मालिक कब आही, सांझ के या आधा राएत के, या मुरगा कर बांग देहे कर समय या भोर मे। एकस झिन होए कि ओहर अनचकहा आए के तुमन मन ला सोवत पाही। अउ मैहर जे तुमन मन ले कहथो, ओहिच सबेच झन ले भी कहथो: जागत रईहा।”

काबर कि जाएत पर जाएत, अउ राएज पर राएज चड़हाई करही। सबेच जगहा मे भूकम्प होही, अउ अकाल पड़ही। ये त दुख मन कर शुरूआत होही।

पर जरूरेच है कि सबले आगू सुसमाचार सबेच जाएत मे प्रचार करल जाही।

ढेरेच झन मन मोर नाव ले आए के कही, ‘मैहर ओहिच हो!’ अउ ढेरेच झन मन ला भरमाही।

लेकिन तुमन मन अपन बिषय मे चवकस रईहा; काबर कि मैनसे मन तुमन मन ला बड़खा सभा मन मे सोपही अउ तुमन मन अराधनालय मन मे पिटल जईहा, अउ मोर कारन हाकिम मन अउ राजा मन कर आगू मे ठड़वईन, काबर कि ओमन मन बर गवाही होईहा।

काबर कि झूठा मसीह अउ झूठा अगमजानी उठ खड़े होही, अउ चिन्ह अउ अदभुत बुता दिखाही कि अगर होए सकही त चुनल मन ला भी भरमाए देही।

ओ दिन मन मे, ओ क्लेश कर बाद बेर हर अन्धार होए जाही, अउ जोन हर रोशनी नी देही; अउ अकाश ले तरई मन गिरे लागही; अउ अकाश कर शक्ति मन ला हिलाल जाही।