Popular Bible Verses from मरकुस 11

Share

एकरे बर मैहर तुमन मन ले कहथो कि जे कुछ ला तुमन मन प्रार्थना कईर के मांगिहा, त बिश्वास कईर लेवा कि तुमन मन ला मिल गईस, अउ तुमन मन बर होए जाही।

मैहर तुमन मन ला सहिच कहथो, जे कोनो ये पहार ले कही, ‘तय उखेड़ जा, अउ समुन्दर मे गिर जा’ अउ अपन मन मे संदेह झिन करा, बरन बिश्वास करा, कि जेला कहथो ओहर होए जाही, त ओकर बर ओहिच कस होही।

अउ जब कभो तुमन मन ठड़होए के प्रार्थना करिहा त अगर तुमन कर मन मे कोनो कर कती ले कुछ बिरोध होही त छमा करा: एकरे बर कि तुमन मन कर स्वर्ग कर दाऊ भी तुमन मन कर पाप ला छमा करही।

यीशु हर ओमन मन ला उत्तर देहिस, “परमेश्वर मे बिश्वास रखा।

अउ उपदेश कईर के ओमन मन ले कहिस, “का ये नी लिखल है कि मोर घर हर सबेच जाएत मन बर प्रार्थना कर घर कहलाही? पर तुमन एला डाकू मन कर खोह बनाए देहे हा।”

अउ जेमन मन ओकर आगू-आगू मे जात अउ पाछू-पाछू रेंगत आत रहिन, अउ पुकाएर-पुकाएर के कहत जात रहिन, “होशाना! धन्य हे ओहर जेहर प्रभु कर नाव ले आथे।

हमर दाऊ दाऊद कर राएज जेहर आत है; धन्य हे! अकाश मे होशाना।”