Popular Bible Verses from लूका 3

Share

जब सबेच लोग मन बपतिस्मा लेहिन, अउ यीशु हर भी बपतिस्मा ले के प्रार्थना करत रहिस, त स्वर्ग हर खुईल गिस, अउ पवित्र आत्मा ला देह कर रूप मे परेवा नियर ओकर पर उतरिस, अउ ये अकाशबानी होईस, “तय मोर दुलरवा बेटा हस, मैहर तोर ले खुश हो।”

त यूहन्ना हर ओमन मन सबेच झन ले कहिस, “मैहर त तुमन मन ला पानी ले बपतिस्मा देहथो, लेकिन ओहर आए बाला हे जेहर मोर ले शक्तिशाली है; मैहर त एकर लाएक नी हो कि ओकर जूता कर डोरा ला खोएल सको; ओहर तुमन मन ला पवित्र आत्मा अउ आगी ले बपतिस्मा देही।

तले मन फिराव कर लाएक फर लाना, अउ अपन-अपन मन मे ये झिन सोचा कि हमर दाऊ अब्राहम है, काबर कि मैहर तुमन मन ले कहथो कि परमेश्वर हर ये पखना मन ले अब्राहम बर संतान जन्माए सकथे।

अउ अब टांगी हर रूख कर जईर पर धरल आहे, एकरे बर जे-जे रूख हर बड़िया फर नी लानही, ओहर काटल अउ आगी मे ढोए देहल जाही।”

जेकस यशायाह अगमजानी कर कहल बचन हर पुस्तक मे लिखल आहे: “जंगल मे एक पुकारे बाला कर शब्द होवत आहे कि, ‘प्रभु कर डगर ला तियार करा, ओकर सड़क ला सीधा करा। हर एक घाटी मन भरल जाही, अउ हर एक पहार अउ टीला मन ला समतल करल जाही; अउ जेहर टेड़हा हे सोझ, अउ जेहर उबड़-खाबड़ है, ओहर चाकर डगर बनही। अउ हर प्रानी हर परमेश्वर कर उद्धार ला देखही।’”