Popular Bible Verses from लूका 11

Share

तले जब तुमन मन बुरा होए के अपन छउवा मन ला बड़िया चीज देहे बर जानथा, त स्वर्गीय दाऊ हर अपन मांगे बाला मन ला पवित्र आत्मा काबर नी देही?”

अउ मय तुमन मन ले कहथो, कि मान्गिहा, त तुमन मन ला देहल जाही; ढूढिहा, त तुमन मन पईहा; खटखटईहा, त तुमन बर खोलल जाही।

काबर कि जे कोनो हर मांगथे, ओला मिलथे; अउ जे कोनो हर ढूढथे, ओहर पाथे; अउ जे कोनो हर खटखटाथे, ओकर बर खोलल जाथे।

यीशु हर ओमन मन ले कहिस, “जब तुमन मन प्रार्थना करा त कहा: ‘हे हमर दाऊ, तोर नाव पवित्र मानल जाही, तोर राएज आही।

अउ हमर पाप मन ला छमा कर, काबर कि हमन मन भी अपन सबेच अपराधी मन ला छमा करथन, अउ हमन मन ला परीक्षा मे झिन लान।’”

हमर दिन भर कर रोटी रोज दिन हमन मन ला देबे

तोर देह कर दीया तोर आएख हर है, एकरे बर अगर तोर आएख हर निर्मल है त तोर सबेच देह हर भी इंजोर होही; लेकिन जब ओहर बुरा रही त तोर देह हर भी अन्धार है।

कोनोच लोग हर दीया ला जलाए के तलघर मे या पैमाने कर खाल्हे मे नी रखथे, लेकिन फुला पर रखथे कि भीतर आए बाला मन इंजोर ला मिले।