Popular Bible Verses from यूहन्ना 1

Share

पर जेतेक झन ओला अपनईन ओहर ओमन मन ला परमेश्वर कर बेटा बने कर अधिकार देहिस, मतलब कि ओमन ला जेमन ओकर नाव पर बिश्वास रखथे।

सबले आगू मे बचन रहिस अउ बचन परमेश्वर कर संग रहिस अउ बचन हर परमेश्वर रहिस।

इंजोर हर अंधार मे चमकथे अउ अंधार हर ओके ला नी अपनईस।

अउ बचन हर देह ला धारन करिस अउ अनुग्रह अउ सच्चाई ले भरपूर होए के हमर मांझा मे डेरा करिस अउ हमन ओकर एकस महिमा देखे जेकस कि दाऊ कर एकलौता बेटा कर महिमा।

सबेच कुछ हर ओकर द्वारा ले बनीस है, अउ सबेच जाएत हर बनीस ओमे ले कोनो चीज हर ओकर बिना नी बनीस है। ओमे जीवन रहिस अउ ओ जीवन हर आदमी मन कर इंजोर रहिस

दूसर दिन ओहर यीशु ला अपन कती आत देख के कहिस, देखा एहर परमेश्वर कर “मेमना” है जेहर जगत कर पाप ला उठाए ले जाथे।

ओहर जगत मे रहिस अउ जगत ओकरे ले जनमिस, अउ संसार हर ओला नी चिनहिस। ओहर अपन घर अईस अउ ओकर अपन मन ओला नी अपनईन।

सच्चा इंजोर जेहर सबेच आदमी मन ला उजियारा करथे जगत मे आए बर रहिस।

एकर बर कि ब्यवस्था हर मूसा कर द्वारा देहल गईस पर अनुग्रह अउ सच्चाई हर यीशु मसीह कर द्वारा पहुचिस।