Popular Bible Verses from روما 8

Share

ءيمّا غويلّي ءيتّيرين ربّي ءيغرا‑ياسن‑د غمكلّي ءيقصاد، نسّن ءيس‑ا‑ياسن‑يسكار افولكي غ‑كولّو ماد‑اسن‑يجرّون.

اشكو سّنغ ماياد باهرا: ءور‑يلّي كرا ءيژضارن اد‑اغ‑يسّنگارا د‑لحنانت‑نس، ءورد لموت نغد تودرت نغد لمالايكا نغد لارواح، ءورد ما‑يلّان نغد ما‑را‑ييلي، ءورد سّولطات نغد لقوّات ن‑تاتّويت نغد تين‑تدروت. كولّو ما‑يخلق ربّي، ءور‑گيس‑يلّي كرا ءيژضارن اد‑اغ‑يسّنگارا د‑لحنانت ن‑ربّي لّي‑س‑گينّغ‑يحنّا ف‑وودم لّماسيح ياسوع سيديتنّغ.

غمكاد‑نّيت اد‑اغ‑يتعاوان رّوح لقودوس غيلاد غ‑سول‑نضعف. ءور‑نسّين ما‑س‑را‑نتژالّا ءي‑ربّي غمكلّي‑اغ‑د‑يقّانّ، والاينّي رّوح لقودوس ار‑ت‑فلّانّغ‑يتضالاب س‑ونفوسن تجهّدنين لّي‑وگُرنين ءيواليون.

ءيمّا غيلاد ما‑را‑نيني ف‑كولّو ماياد؟ لّيغ ديدنّغ ءيبيدّ ربّي ما‑راد‑اغ‑ينرو؟

ءيمّا غيلاد ءور‑سول‑تلّي لعقوبيت ءي‑وانّا ءيگان وين لماسيح ياسوع.

وانّا ءيتلهون ءيخف‑نس س‑ما‑ترا دّات راد‑اس‑تيلي لموت. وانّا ءيتلهون س‑ما‑يرا رّوح لقودوس راد‑اس‑تيلي تودرت د‑سّلامت.

والاينّي كولّو غايان، ننرا‑ت باهرا س‑يسم ن‑والّي گينّغ ءيحنّان.

سّنغ نكّي تارفوفنت ن‑ووسّان‑اد ءور‑تسوي يات غ‑لگدّام لّمجد لّي‑راد‑اغ‑يفك ربّي غ‑مايد‑د‑يوشكان.

ما‑راد‑اغ‑يسّنگارا د‑لحنانت لّماسيح؟ ءيزد تامّارا نغد تانوكموت نغد تارفوفنت نغد لاژ نغد لهيف نغد شّرّ نغد تاژّيت؟

ءيمّا ربّي لّي‑يژرّان ما‑يلّان غ‑وولاون‑نّغ، ءيسّن ما‑يقصاد رّوح. اشكو رّوح ار‑يتضالاب ف‑يمژلاين ن‑ربّي غمكلّي ءيتّيري ربّي.

كولّو وينّا سفليدنين س‑رّوح ن‑ربّي، گان تاروا ن‑ربّي.

غويلّي‑ستّ‑يتاوين غ‑دّات ار‑تلهون ءيخف‑نسن س‑ما‑ترا دّات. ءيمّا غويلّي‑ستّ‑يتاوين غ‑رّوح لقودوس ار‑تلهون س‑ما‑يرا رّوح لقودوس.

ءيمّا ربّي، لّيغ ءور‑ن‑يحضي يوس غ‑دارس والاينّي ءيدحي‑ت‑يد ف‑سّيبت‑نّغ كولّواغ، ءيس‑ور‑را‑ييري اد‑اغ‑ديدس‑يفك كرايگاتّ كرا؟

هاتي ءيمشاشكا‑د رّوح ن‑ربّي د‑رّوح‑نّغ ار‑اغ‑مالان ءيزد تاروا ن‑ربّي ا‑نگا. لّيغ نگا تاروا‑نس، نيسّان ءيس‑را‑نطّاف لوورت لّي‑را‑ييلي ءي‑مدّن ن‑ربّي، را‑نكشم غ‑لوورت لّماسيح. ءيغ‑ديدس‑نمون غ‑ورفوفن، را‑ديدس‑نيلي غ‑لمجد.

يان ءيتلهون س‑دّات، هاتي ار‑يتمّاغ د‑ربّي، اشكو ءور‑ا‑يسكار س‑تنباضين ن‑ربّي، ءور‑اكُّ‑يژضار ا‑سرسنت‑يسكار.

اشكو كولّو ما‑يخلق ربّي غ‑دّونيت‑اد ار‑يتقل ييري باهرا اسّ‑ان غ‑راد‑د‑بانّ تاروا ن‑ربّي.

نسّن ءيزد كولّو ما‑يلّان غ‑دّونيت ار‑يندّر س‑ونگاژ زوند تامغارت لّي‑را‑يارو.