Popular Bible Verses from لوقا 17

Share

ييني‑اس ءيلمّا: «نكر، مون د‑وغاراس‑نّك. ها‑كيّي تومنت، مايان ا‑ف‑تغوست.»

ءيغ‑ا‑ياك‑يسكار لخُشانت سّا ن‑توال غ‑يان‑واسّ ار‑د‑يتّاشكي سّا ن‑توال ار‑اك‑يتّيني: ‹تُگراژ‑يّي ف‑ماد‑سكرغ، ءور‑سول‑را‑ت‑سكرغ،› ءيلّا فلّاك اد‑اس‑تّصاماحت.»

يان گيسن، لّيغ ءيژرا ءيخف‑نس ءيجّي، يوورّي‑د يالّ اوال‑نس ار‑يتالغ ربّي، ءيضر ف‑وودم‑نس غ‑دار ءيضارن ن‑ياسوع ار‑ت‑يتشكار. ءيگا نتّا گو‑ساميرا.

اويات‑ستّ غ‑يخف‑نّون. ءيغ‑يسكر گماك كرا يُخشنّ، ساول سرس باش ا‑ور‑ت‑سول‑يسكر. ءيغ‑تُگراژ گماك ءيفل لخُشانت‑ان، صامح‑اس.

ءيساول ياسوع ييني: «ءيس‑ورد مراو ا‑يغوسن؟ مانزا تژا ياضني؟

ءيرار‑اسن سيديتنّغ: «مراد ءيس‑گيگون‑يلّا ليمان ءونشك ن‑تاقّايت ءيمژّين لّخردل، را‑تينيم ءي‑تسغارت‑اد ن‑يمرشيق ‹اكوف تّياوژّات‑ن غ‑ومدا› را‑تسكر س‑ماد‑اس‑تنّام.

وانّا ءيسيگّيلن ا‑يجّنجم تودرت‑نس را‑ستّ‑يجلو. د‑وانّا ءيجلان تودرت‑نس را‑ستّ‑يجّنجم.

ءيساول ياسوع س‑يمحضارن‑نس ييني‑اسن: «ءيقّان‑د اد‑يلينت تابايضّرين ما‑يسّطارن مدّن، والاينّي تاگوضي ا‑را‑ييلي ءي‑وانّا‑تنت‑ين‑يسراسن. يوف‑اس ءيغ‑اس‑يتياگّال‑وژرو ن‑وزرگ غ‑ومگّرض‑نس ءيتياوگار‑ن غ‑ومدا، ءولا ءيسّضر يان زغ‑يمژّيين‑اد.

زوند غايلّي ءيلّان غ‑ووسّان ن‑نوح ا‑را‑ييلي غ‑ووسّان‑ان غ‑را‑د‑ياشك يوس ن‑بنادم. ار‑شتّان مدّن ار‑سّان ار‑تّاهالن ار‑تّاهالنت ار اسّ لّي‑غ‑يكشم نوح س‑واناو غلين‑د‑سرسن‑وامان گّوتنين تياوهلاكن كولّوتن.