Popular Bible Verses from Maka 11

Share

Ko za vei aza za ma pojadigamu: doru zakazava gamu varavara ko gamu tepai, za mu vazozoto za gamu tori tekua tu, beto za pala muna izongia tugu ao aza.

Ma poja zozotodigamu ara gamu: na tinoni za paranga laoa za na kubo ani, <Mu tajopu ko mu gona laonigo makamu pa ivere,> za gua, beto zake orirabeke pa bulona goto za vazozotoa gu za aza vei za pojai za mina gore votu tugu za gua aza, nari za pala mina gore votu vei tugu za pojai aza.

Ko totonai muna turu varavara za mu taleozoni za na sela gamu puku tutini na goto tinoni, ko na Tamamiu pa noka ba mi taleozodigamu na miu sela za gamu,>> za gua i Jisu.

Nari za paranga laoria i Jisu ria, ari za gudi vei, <<Mu rangea na Tamaza.

Beto za kole varivagigalai, ari za gudi vei, <<Gamuke gilagilai tu gamu za aza vei za pojai na Tamaza za takuti pa Kutikuti Tabuna? <Na ruma taqu za mina tavaizongo na ruma varavarana tadiria doru puku tinoni,> za gua! Ba gamu gamu roiti veini tu na bevi ovovona tadiria na tinoni raja ikikodi,>> za gudi.

Beto za ria na tinoni qari rerege momoe lao beto qari tuti pa liguligu za qari kukuku, <<Aroia! Za tamana aza za lame pa izongona na Bangara!

Za tamana za na binangara tana tamada i Devita. Aroia pa nulu vavagalo,>> qari gua.