Popular Bible Verses from UBWANDILO 49

Share

Ubulagili butisakusokamo siku nkikolo kya nyumba ya Yuda, yope ningili iyi akolile undagili gwa kisu yo yitisakusokamo siku mmyake, yisakwendelelaga bwila itolo abuye ise uyu yo mwenenayo.

Yosefu yo ali bo gu mpiki ugu gukoloka fiyo, ugu gubyaligwe pa nyibuko ya misi, syope ni samba syake sikufyuka sikwakufika na pamwanya pa malinga. Abalugu bake balinkusyungutila nimitipulo, balinkundasa nukuntamya fiyo

loli Umwenemaka gosa alinkukonyolania ubupindo bwa mundu gwesa, alinkulasa amaboko gabo nukuganyafulania, na maka gake yu Mwenemaka gosa gwa Yakobu; yilinkubanyafulania yi ngamu ya Lwalabwe, uyu yo ntimi gwa Israeli. Kyala gwa guso alinkubanyafulania ukuti akutule ugwe; Kyala Umwenemaka gosa alinkubanyafulania ukuti akusaye ugwe nulusayo ulufuma kumwanya, ulusayo ulu lwibilile pasi mbusolofu, ulusayo ulu lukufuma mmabele aga gongaga ugwe na nkifuba iki kyakupapile ugwe.

Ugwe Yuda, abamyinu bisakukupalaga, amaka gako gisakubalambika abalugu bako, bope na ba bamyinu bisakukulambilaga ugwe. Yuda ali bo yu mwana gwa ngalamu uyu ikugomokela ku bwibililo bwake bo afumile nkufwima. Yuda afwene itolo ni ngalamu ingikulu iyi yikwitendekesya ukunyela, alipo ywani unkifu uyu abagile ukunsambukila?

Ugwe Rubeni, yo ugwe gwakipanda gwangu, yo ugwe maka gangu, kangi yo ugwe seke syakwanda isya maka gangu. Ugwe ukindilile ndwitufyo, na mmaka ku banangu bosa. Ukwenda na bu bukali bwene, uliti bo lu Lusoko ulu lutekile, loli utisakuyaga ngindikigwa kangi ukubakinda abamyinu, papo gwafyukile pa kitala kya ne guso; ulinkufyuka pa kitala kila, ulinkukinyasya ikitala kyangu iki nikutukisyapo.