Popular Bible Verses from Римэйхиндэ 4

Share

Абраһаам Бурханай найдуулгые һэжэглээгүй, Тэрээндэ бата этигэжэ байгаа, тиин һүзэгынь бүришье ехэ болоо. Тэрээгээрээ Абраһаам Бурханиие алдаршуулаа. Бурхан найдуулһан юумэеэ дүүргэхэ аргатай гэжэ Абраһаам бата этигэлтэй байгаа.

Нангин Бэшэг соо: «Би шамайе үнэр олон арад зоной элинсэг эсэгэ болгооб», – гэжэ хэлээтэй байдаг. Үхэһэн юумые амидыруулдаг, байхагүй юумые захиралтаараа бии болгодог Бурханда һүзэглэһэн Абраһаам манай эсэгэ юм.

Бурхан манай нүгэл шэбэлэй түлөө Иисүүсые үхэлдэ үгөөд, үнэн сэдьхэлтэй байхымнай тула һүүлдэнь Тэрэниие амидыруулаа юм.

Найдаха шалтагаанайшье үгы байхада, Абраһаам этигээ, найдаа, тиимэһээ «үнэр олон арад зоной элинсэг эсэгэ» болоо, Нангин Бэшэг соо хэлэгдэһэн ёһоор үри һадаһадынь одо мүшэдтэл адли тоогүй олон байха.

Тиимэһээ найдуулга этигэл һүзэг дээрэ үндэһэлнэ, тиин Абраһаамай бүхы үри һадаһадта, гансашье Хуули сахидаг бэшэ, харин Абраһаамдал адляар һүзэглэһэн хүн бүхэндэ Бурханай агууехэ үршөөл хайраар тэрэ найдуулгань батаар үгтэбэ. Абраһаам бултанаймнай эсэгэ.

«Гэмынь хүлисэгдэһэн болон нүгэлынь наманшалагдаһан хүнүүд жаргалтай, гэмтэй гэжэ Эзэнэй тоолодоггүй тиимэ хүн жаргалтай».

«Абраһаам Бурханда этигэбэ, Бурхан тэрэниие үнэн сэдьхэлтэн гэжэ тоолобо», – гэжэ Нангин Бэшэг соо хэлэгдэнэ.