Popular Bible Verses from Марк 14

Share

Тиигээд тээ хажуу тээшээ ошожо, үбдэг дээрээ һуугаад, зальбарба: – Аба, Эсэгэмни! Та ямаршье юумэ хэхэ аргатайт! Энэ аягаһаа амсуулангүй, иимэ ехэ зоболон Намһаа зайлуулыт даа. Тиигэбэшье Минии хүсэлөөр бэшэ, харин Танайхяар болог.

Тиигээд бултандань: – Хорхойтуулгада абтахагүйн тула таанад һэргэг байгты, зальбарагты: сэдьхэл дорюуншье һаа, бэе махабад ахир һула бшуу, – гэжэ хэлэбэ.

Һайн Мэдээсэлэй бүхы газар дэлхэйгээр хаа хаанагүй номногдоходо, энэ эхэнэрэй хэһэн хэрэг тухай хүнүүд дурсан һанажа байха, хэлэжэ байха гэжэ Би таанадта баталнаб.

шабинартаа: – Минии ами һүнэһэн туйлай ехээр уйдажа, үхэһэндэл адли байнаб. Таанар эндэ Намтай хамта һэргэг байгты, – гэбэ.

Хоол бариха үедөө Иисүүс гартаа хилээмэ абаад, Бурханда баяр баясхалан хүргөөд, тэрэнээ хухалаад, шабинартаа үгэхэ зуураа хэлэбэ: – Энээниие абаад эдигты. Энэ Минии бэе гээшэ.

Тиигээд үзэмэй дараһан архитай аяга абаад, Бурханда баяр баясхалан хүргөөд, шабинартаа үгэбэ. Шабинарынь булта тэрэ аягаһаань амсаба. – Энэ болбол олоной түлөө адхарха Минии шуһан гээшэ, тиин энэ шуһаар Бурхан хүнүүдтэй Шэнэ Хэлсээ батална.

Иисүүс шабинартаа иигэжэ хэлэбэ: – Энэл һүниндөө таанар бултадаа Намһаа арсажа холодохот, ушарынь гэбэл: «Хонишонииень дайража һалгаахадамни, һүрэг хонидынь тарашаха» гэжэ Нангин Бэшэг соо хэлэгдэнэ.

Бодогты, ябаябди! Намда урбагша дүтэлжэ байна.

– Энэ һүни эрэ тахяагай хоёр дахин дуугархаһаань урда ши Намһаа гурба дахин арсахалши даа гэжэ баталан хэлэнэб, – гэжэ Иисүүс харюусаба.