Popular Bible Verses from Яковай хандалга 1

Share

Аха дүүнэрни, элдэб олон бэрхэшээл зоболонгуудые үзэхэдөө, өөһэдыгөө жаргалтайбди гэжэ тоологты. Һүзэгэйтнай туршагдахада, тэсэбэритэй болонобди гэжэ өөһэдөө мэдэнэ гүбта даа.

Хэрбээ хэн нэгэнэйтнай сэсэн ухаагаар дуталдабалнь, тэрэ тиимэ сэсэн ухаае таанадта хайрладаг Эзэн Бурханиие гуйг лэ, Эзэн Бурхан хүн бүхэндэ гуйһанииень элбэг дэлбэгээр, гэмэрэлтэгүй үгэдэг ха юм.

Тиимэһээл, инаг хайрата аха дүүнэрни, шагнахадаа, шамдуухан, хэлэхэдээ, уурлахадаа, яаралгүй байгты.

Эрхим түгэс, алишье талаһаа болбосон, дутагдал эрэмдэггүй байхын тула таанад ямаршье юумые эсэс хүрэтэрнь тэсэжэ гараха ёһотойт.

Тэрэ мэдээсэлые гансал шагнан, өөһэдыгөө мэхэлнэгүй, ажамидаралдаа хэрэгжүүлжэ байгаарайгты.

Туршалгануудые дабажа гараһан хүн жаргалтай, юуб гэбэл, туршалгануудые дабахадаа, тэрэ хүн Бурханай Өөртэнь дуратай зондо найдуулһан мүнхын амидаралда хүртэнэ.

Бүхы үлзытэй, эгээн эрхим бэлэгүүд дээрэһээ, тэнгэриин одо мүшэдые, нара һарые бүтээһэн, хэзээдэшье хубилдаггүй, тэдэ ододто адли һүүдэр хэзээшье татадаггүй Бурханһаа үгтэдэг.

Тэрэ үгые шагнаад, харин ажамидаралдаа хэрэглээгүй хүнүүд өөһэдыгөө толидо хараад, дүрэмни бодото гэжэ үзэһэн хүнүүдтэл адли. Тэдэнэр өөһэдыгөө толидо харахаяа болихотойгоо сасуу ямар дүрэтэй байһанаа мартажархидаг.

Үншэн үхибүүдтэ, бэлбэһэн эхэнэрнүүдтэ туһалха, юрын байдалаар өөрыгөө бузарлахаһаа болгоомжолхонь лэ Эсэгэ Бурханда һайшаагдадаг һүзэг һүлдэ мүн.

Хорхойтуулгада ороходоо, «Бурхан намайе хорхойтуулна» гэжэ бү хэлээрэйт, юундэб гэбэл, Бурханиие харатай юумээр хорхойтуулдаггүй, тиин Тэрэ Өөрөөшье хүнүүдые хорхойтуулдаггүй. Харин хүн бүхэн өөрынгөө нүгэлтэ хүсэлэнгүүдтэ хүтэлүүлэн, альбандань орон, хорхойтуулгада абтадаг.

Бурханай үгытэй һүзэглэгшые дээгүүр үргэһэндэ тэрэ хүн баярлажа байг.