Popular Bible Verses from Эхин 41

Share

– Тэрэ минии бэлиг бэшэ, – гэжэ Иосиф харюусаба. – Бурхан лэ танай аша туһада зүб тайлбари үгэжэ шадаха.

– Энээнһээ үлүү хүниие олохын аргагүй, – гэжэ хаан түшэмэлнүүдтээ хэлэбэ. – Бурханай үршөөһэн һүр һүлдэ тэрээндэ лаб байна!

Һүүлээрнь тэрэ Иосифто хандаба: – Энэ бүгэдые Бурхан шамда нээжэ үгэһэн хадань шамһаа ухаансар, урдахияа мэдэхэ хүн олдохогүй. Энэ сагһаа хойшо минии гүрэн түрые ударидан хүтэлхэш, албатадни шинии захиралта жэншэдгүй дүүргэхэ. Гансал би хаан нэрээрээ дээрэшни байхаб.

Хоёрдохи хүбүүнэйнгээ түрэхэдэ, Иосиф иигэжэ хэлэбэ: – Би Египет руу ерээд, зоболон үзэһэншье һаа, Эзэн Бурханай туһаламжаар үлзы һайхан үрэ дүн туйлааб. Тиигээд тэрэ хүбүүндээ «Эпрааим», оршуулбал, «Һайн үрэ дүн» гэжэ нэрэ үгэбэ.

Ууган хүбүүнэйнгээ түрэхэдэ, Иосиф үнгэрһэн зоболон болон мүнөөнэй һайн байдалаа зэргэсүүлжэ үзөөд, иигэжэ хэлэбэ: – Эсэгынгээ гэртэ аханарһаа амасаһан тэрэ бүхы зоболонгыем Бурхан намда орогүй мартуулжа шадаа. Тиигээд тэрэ хүбүүндээ «Мэнашшээ», оршуулбал, «Мартанхай» гэһэн нэрэ үгэбэ.