Popular Bible Verses from Пётрой 1-дэхи хандалга 3

Share

Харин зүрхэ сэдьхэлдээ Эзэн Христоосые аргагүй хүндэлжэ ябагты. Ямаршье хүнэй ажамидаралайтнай найдал тухай һурабалнь, хэзээшье харюу үгэхэдэ бэлэн байгты. Тиихэдээ дарууханаар, хүндэлһэнөө харуулан, харюусаарайт. Һэшхэлтнай арюун сэбэр байг, тиигэбэл Христоосто һүзэглэдэг танай ашатай ажамидаралые хардадаг хүнүүд өөһэдынгөө хэлэһэн үгэнүүдһээ эшэхэл.

Эзэн үнэн сэдьхэлтэниие хаража байдаг, тэдэнэй зальбаралнуудые дуулажа байдаг, харин муу юумэ үйлэдэгшэдые Тэрэ буруушаадаг», – гэжэ Нангин Бэшэг соо хэлэгдэнэ.

Гоё һайхан болохын тула таанад өөһэдыгөө гадна талаһаа шэмэглэжэ, үһэеэ гоёожо гү, али алтан зүүдхэлнүүдые зүүжэ гү, али зөөлэн хубсаһа үмдэжэ бү байгты. Харин Бурханда аргагүй һайшаагдадаг сэдьхэлэй даруу ба зөөлэн занһаа гараһан үнэн бодото мүнхын гоёолтоор өөһэдыгөө шэмэглэгты.

«Танай дундаһаа хэн амиды байха, жаргалтай үдэрнүүдые үзэхэ һанаатайб? Тэрэ хүн муу үгэнүүдһээ хэлээ тэбшэн бариг, худал хуурмаг яряанһаа амаа хизаарлаг. Тэрэ хүн дорой юумэнһээ буруу хаража, һайн һайханиие үйлэдэг, эб эеые бэдэрэн һэдэжэ, энхэ тайбан байдалые найруулжа байг.

Түгэсхэлдэнь хэлэхэдэ, таанад булта нэгэ һанал бодолтой, адляар юумэндэ хандажа байгты, бэе бэедээ аха дүүнэдтэл адли дуратай, бэе бэеэ хайрлажа, даруухан ажамидарагты. Таанадта муу юумэ хэхэдэнь, харюудань муу юумэ бү хэгты; таанадые хараахадань, урдаһаань бү хараагты. Харин буян хэшэгтээ хүртөөхын тула Бурхан таанадые уряалан дуудаа гэжэ мэдэн, дэмбэрэлтэ хэрэгүүдые бүтээжэ, һайн үгөөр үреэжэ байгты.

Дэмбэрэлтэй юумэ бүтээхэеэ һэдэбэлтнай, хэн таанадта һаалта болохоб?

Тэрэ хүн дорой юумэнһээ буруу хаража, һайн һайханиие үйлэдэг, эб эеые бэдэрэн һэдэжэ, энхэ тайбан байдалые найруулжа байг.

Бурханай хүсэлөөр нүгэл хэжэ байһанайнгаа түлөө бэшэ, харин дэмбэрэлтэ хэрэгүүдые бүтээжэ байһанайнгаа түлөө зобожо байһань дээрэ.