Popular Bible Verses from Mark 14

Share

Hän sanui: «Avva, Tatam, sinä kaiken void. Kanda nece mal՚l՚ siriči mindai. No ei kut minä tahtoin, a kut sinä.»

Olgat herkhil i loičkat, miše et putuiži manitushe. Heng om mehel vahv, no hibj om väl՚l՚.»

Todeks sanun teile: kaikjal mirus, hot՚ vaiše kus saneleškatas hüvän vestin, johtutaškatas mugažo nece naine i pagižeškatas siš, midä hän tegi.»

Hän sanui heile: «Minun heng om sures tuskas, surmaližes tuskas. Varastagat täs i olgat herkhil.»

Sömižen aigan Iisus oti leibän, kiti Jumalad, lohkaiži leibän i andoi openikoile sanudes: «Otkat, sögat, nece om minun hibj.»

Sid՚ hän oti mal՚l՚an, kiti Jumalad i andoi heile, i hö kaik joiba sišpäi. Hän sanui heile: «Nece om minun veri, uden kožmusen veri, kudamb vodatadas äjiden mehiden täht.

Iisus sanui heile: «Necil öl tö kaik hül՚gäidat mindai, sikš ku Pühiš Kirjutusiš om sanutud: ‘Jumal rikob paimnen, i lambhad jokseškandeba kaikihe polihe.’

Libugat, lähtkam! Minun möi om jo lähen.»

Iisus sanui hänele: «Todeks sanun sinei: tämbei, necil öl, edel sidä, konz kukoi kahtišti launub, sinä koumašti sanud, miše ed tunde mindai.»